Belarýs, Resei jáne Qazaqstanda týberkýlez juqtyrǵandardyń shamamen tórtten birinde bul derttiń emdeýge qiyn túri tabylýda, dep habarlady Euronews.
Sarapshylardyń aitýynsha, asa qaýipti aýrýdan zardap shegetin adamdardyń úshten biri óziniń diagnozyn bilmeidi, meditsinalyq kómekke júginbei, basqalarǵa juqtyrady. Al emdelip jatqandardyń kóbi jazylmaidy.
Jyl saiyn týberkýlezdiń dári-dármekke tózimdi túrlerinen 250 myńǵa tarta adam óledi. Bul aýrýdyń belgileri – toqtaýsyz jótel, sharshaý, salmaq joǵaltý.
Dári-dármektiń áserine tózimdiligi artyp keledi. Global Fund zertteýshileri (JITS, týberkýlez jáne bezgekpen kúres jónindegi jahandyq qor) aýrýdyń "jahandyq qaýipsizdik úshin apatty saldary bolýy múmkin" ekenin eskertti.
"Týberkýlez aýa tamshylary arqyly beriledi. Ony kez kelgen jerden juqtyrýyńyz múmkin. Qai eldi aitpaiyq, derttiń aldyn alýdyń eń jaqsy tásili – týberkýlez paida bolǵan jerde onymen kúresý. Óitkeni kóshi-qon protsesterine bailanysty árbir adam aýrýǵa shaldyǵýy múmkin. Elderdiń úkimetteri oianatyn ýaqyt keldi", - dedi Global Fund úilestirýshisi Eliýd Vandvalo.
