Qazaqstanda 100-den astam adam koronavirýsqa qarsy vaktsinanyń eki komponentin alǵannan keiin qaitadan aýyryp qaldy. Bul týraly QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy QazAqparat.
«Vaktsinanyń birinshi komponentinen keiin de, ekinshi komponentinen keiin de naýqastanýǵa qatysty monitoringti mindetti túrde júrgizemiz. Jalpy, elimizde birinshi komponentten keiin naýqastanýdyń 541 deregi tirkelgen. Al ekinshi komponetten keiin – 104 jaǵdai», - dedi komitet tóraiymy Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, bul adamdardyń barlyǵy inkýbatsiialyq kezeńde, iaǵni 14 kúnniń ishinde koronavirýsty juqtyryp alǵan.
«Demek, olar koronavirýsty juqtyryp alǵannan keiin vaktsina saldyrǵan», - dedi Aijan Esmaǵambetova.
