قازاقستاندا 100-دەن استام ادام كوروناۆيرۋسقا قارسى ۆاكتسينانىڭ ەكٸ كومپونەنتٸن العاننان كەيٸن قايتادان اۋىرىپ قالدى. بۇل تۋرالى قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا ايتتى, دەپ حابارلايدى قازاقپارات.
«ۆاكتسينانىڭ بٸرٸنشٸ كومپونەنتٸنەن كەيٸن دە, ەكٸنشٸ كومپونەنتٸنەن كەيٸن دە ناۋقاستانۋعا قاتىستى مونيتورينگتٸ مٸندەتتٸ تٷردە جٷرگٸزەمٸز. جالپى, ەلٸمٸزدە بٸرٸنشٸ كومپونەنتتەن كەيٸن ناۋقاستانۋدىڭ 541 دەرەگٸ تٸركەلگەن. ال ەكٸنشٸ كومپونەتتەن كەيٸن – 104 جاعداي», - دەدٸ كوميتەت تٶرايىمى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, بۇل ادامداردىڭ بارلىعى ينكۋباتسييالىق كەزەڭدە, ياعني 14 كٷننٸڭ ٸشٸندە كوروناۆيرۋستى جۇقتىرىپ العان.
«دەمەك, ولار كوروناۆيرۋستى جۇقتىرىپ العاننان كەيٸن ۆاكتسينا سالدىرعان», - دەدٸ ايجان ەسماعامبەتوۆا.
