Qazaqstanda tólqujat berý úshin memlekettik bajdyń saralanǵan mólsherlemesin engizý josparlanyp otyr. Bul týraly ulttyq ekonomika ministri Álibek Qýantyrov málimdedi, - dep habarlaidy Kaz.tengritravel.kz.
Ministr Májilis otyrysynda qujattaǵy paraqtyń (bettiń) sanyna bailanysty Qazaqstan azamatynyń pasportyn berý úshin memlekettik bajdyń saralanǵan mólsherlemeleri usynylatynyn aitty.
"Betterge bailanysty, eger bireý 36 betti qalasa, ol bir somany tóleidi, eger 24 bet bolsa - basqa somany tóleidi", - dep túsindirdi Qýantyrov Májiliste jýrnalisterge.
Sonymen qatar, onyń aitýynsha, balalarǵa tólqujat berý úshin memlekettik baj salyǵyn eki esege tómendetý qarastyrylǵan.
Normalar "Salyq jáne biýdjetke tólenetin basqa da mindetti tólemder týraly" kodekske (Salyq kodeksi) ózgerister men tolyqtyrýlar engizý týraly" jáne "Salyq jáne biýdjetke tólenetin basqa da mindetti tólemder týraly" kodeksti (Salyq kodeksi) qoldanysqa engizý týraly" zań jobalaryna engizildi.
Májilis depýtattary birinshi oqylymda ózgeristerdi qoldady.
