Qazaqstan birqatar elmen áýe qatynasy týraly kelisimderge qol jetkizdi. Bul týraly "Ult aqparat" Azamattyq aviatsiia komitetine silteme jasap habarlaidy.
«Memleket basshysynyń tapsyrmasymen engizilgen «ashyq aspan» rejimi aiasynda Túrkiia áýe kompaniialaryna Qazaqstannyń 11 áýejaiyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semei) 5-shi «áýe erkindigin» paidalaný múmkindigimen reister sanyna shekteýlerdi alyp tastaýdy kózdeitin turaqty ushýlardy oryndaýǵa múmkindik berildi», - delingen Komitet habarlamasynda.
Túrkiia tarapy Nur-Sultanǵa, Almatyǵa áýe qatynasyn keńeitýdi qoldaidy jáne Aqtaý men Qostanaiǵa turaqty reister ashýdy josparlap otyr, sonymen qatar salynyp jatqan áýejai paidalanýǵa berilgennen keiin Ystanbul-Túrkistan baǵyty boiynsha reisterdi ashýǵa alǵashqy sheteldik áýe kompaniialardyń biri bolyp qyzyǵýshylyǵyn rastady. Kezdesý qorytyndysy boiynsha taraptar áýe qatynasy salasynda ózara tiimdi yntymaqtastyqty jalǵastyrýǵa sheshim qabyldady.
Sondai-aq, Qazaqstan men Malaiziia arasynda áýe qatynasy keńeiýdeICAN 2019 aiasynda qazaqstandyq delegatsiia Malaiziianyń aviatsiialyq bilikterimen kelissózder júrgizdi.
«Malaiziia áýe kompaniialaryna Qazaqstannyń 11 áýejaiyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semei) 5-shi «áýe erkindigin» paidalaný múmkindigimen reister sanyna shekteýlerdi alyp tastaýdy kózdeitin turaqty ushýlardy oryndaýǵa múmkindik berildi», - dedi Komitettiń baspasóz qyzmeti.
Sonymen qatar, Avstriiamen áýe qatynasyn keńeitý boiynsha ýaǵdalastyqtarǵa qol jetkizildi.
«Ashyq aspan» rejimi aiasynda Avstriia áýe kompaniialaryna Qazaqstannyń 11 áýejaiyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semei) 5-shi «áýe erkindigin» paidalaný múmkindigimen reister sanyna shekteýlerdi alyp tastaýdy kózdeitin turaqty ushýlardy oryndaýǵa múmkindik berildi.Eki el arasynda aptasyna 21 reiske deiin, atap aitqanda Vena - Nur-Sultan baǵyty boiynsha 7 reiske deiin, sonymen qatar taǵaiyndalǵan áýe kompaniialarǵa (Austrian Airlines, Air Astana) Vena - Almaty baǵyty boiynsha aptasyna 7 reis jáne Vena-Aqtaý baǵyty boiynsha aptasyna 7 reis oryndaýǵa múmkindik berildi.
Eske salsaq, QR Prezidenti tikelei halyqaralyq áýe reisteriniń sanyn arttyrý qajettigi týraly tapsyrma bergen bolatyn.
