«Qazaqstanda terrorizm men ekstremizmdi úgittegen 94 sait shekteldi», — dep habarlaidy kaz.tengrinews.kz tilshisi Astana qalasy prokýratýrasynyń baspasóz qyzmetine silteme jasap.
«Qazaqstan Respýblikasy Aqparat jáne kommýnikatsiialar ministrliginiń Bailanys, aqparattandyrý jáne buqaralyq aqparat quraldary salasyndaǵy memlekettik baqylaý komiteti 2016 jyly Esil aýdanynyń sotyna Qazaqstan Respýblikasynyń Azamattyq protsesstik kodeksiniń 48-taraýyna sáikes, Qazaqstan Respýblikasynyń zańdaryna qaishy keletin aqparatty qamtityn sheteldik buqaralyq aqparat quralynyń ónimin zańsyz dep taný týraly 18 talap-aryz joldaǵan», — delingen habarlamada.
Osy sanattaǵy azamattyq ister aýdandyq sotta karalyp, talap-aryzdy qanaǵattandyrý týraly sheshim shyǵarylǵan. Kodekstiń 54-babyna sáikes, Astana qalasy «Esil» aýdanynyń prokýratýrasy osy isterge prokýrordyń qatysýyn qamtamasyz etip, tiisti qorytyndy berilipti.
Azamattyq isterdi qaraý natijiesi boiynsha, Qazaqstan Respýblikasynyń aýmaǵynda ulttyq qaýipsizdikke keri áserin tigizetin, terrorizm, ekstremizm jáne separatizmniń kez kelgen nysanyn úgitteýge baǵyttalǵan 94 saittyń qyzmetine shekteý qoiylǵan. Sheshim zańdy kúshine endi.
