«Qazaqstan temir joly» kompaniiasy temirjol vokzaldarynyń jumys tártibin túsindirdi, dep habarlaidy QazAqparat.
«Qazaqstan temir joly» 1 maýsymnan bastap jolaýshylar poiyzynyń qozǵalysyn bastaidy. Búgin jol júrý biletteri satylymǵa shyqty. Kóliktegi bas sanitar dáriger temirjol vokzaldarynda karantin sharalaryn saqtaý týraly qaýly shyǵardy. Atap aitqanda, vokzalǵa maskasy bar adamdar ǵana kirgiziledi. Kireberiste olardyń dene qyzýy ólshenedi», - dedi «QTJ» UK» AQ vokzal sharýashylyǵyn damytý jáne paidalaný boiynsha atqarýshy direktory tilshilerge bergen suhbatynda.
Vokzal ǵimaratyna jol júrý bileti bar adamdar ǵana kirgiziledi jáne olardyń arasynda 1 metr araqashyqtyq saqtalýy tiis. Tiisti belgiler oryndyqtarda, kassalar men anyqtama biýrosynda kórsetilgen.
«Karantin sharalaryn saqtaý týraly málimdemeler daýys zoraitqyshpen habarlanady jáne onlain beinerolikter kórsetiledi. Sonymen birge, jeldetý júiesine de arnaiy talaptar qoiylady. Qazirgi ýaqytta barlyq jeldetý júiesin tekserý bastaldy. Mamyrdyń 20-25 aralyǵynda tekserý aiaqtalady. Barlyq ǵimaratta terezeler ashylyp, jeldetý júrgizilýi tiis», - dedi spiker.
