Qazaqstanda teleradiohabar taratý signaly ýaqytsha óshiriledi, dep habarlaidy "Ult aqparat" «Qazteleradio» kompaniiasynyń saityna silteme jasap.
«2021 jyldyń 10 naýryz aiynda saǵat 03:00 men 17:00 aralyǵynda jerserik, tsifrly jáne analog efirlik jelilerdiń tehnikalyq quraldaryndaǵy servister jabylyp, josparly-profilaktikalyq jumys júrgiziledi. Osyǵan bailanysty, iaǵni jumystar júrgizilgen kezde Qazaqstannyń barlyq aýmaǵynda teleradioarnalardy retransliatsiialaý ýaqytsha toqtatylady», delingen habarlamada.
Aita keterligi «Qazteleradio» AQ toqsan saiyn jerserik jáne efirlik jelilerdiń tehnikalyq quraldarynda servisterdi jaba otyryp, josparly-profilaktikalyq jumyst júrgizedi.
«Bul jumys teleradio habaryn sapaly taratýdy qamtamasyz etý úshin qajet, al toqsan saiynǵy josparly-profilaktikalyq jumys servisti uzaq ýaqyt óshirýge múmkindik beredi, sondyqtan osy ýaqyt ishinde tehnikalyq quraldardy jańǵyrtý boiynsha qosymsha jumys ta júzege asyrylady.
Ýaqytsha qolaisyzdyqtar úshin keshirim ótinemiz», delingen habarlamada.
