Aqparat jáne qoǵamdyq damý ministrligi 2020 jyldan beri Qazaqstanda media ólsheýler júiesin damytý boiynsha jobany iske asyrý sheńberinde Qazaqstanda teleólsheýler protsesiniń ashyqtyǵyn qamtamasyz etýge baǵyttalǵan arnaiy onlain-servisti iske qosty, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Servis barlyq qyzyǵýshylyq tanytqan tulǵalarǵa negizgi qazaqstandyq telearnalaryn aýditoriialyq kórsetkishterimen tikelei rejimde tanysýǵa múmkindik beredi.
Ministrliktiń saitynda usynylǵan aýditorlyq kórsetkishter Qazaqstannyń 21 qalasyndaǵy 400 myńnan astam úi sharýashylyǵy boiynsha qalyptasady.
Qazirgi ýaqytta serviste telearnalar úlesi jóninde (taldanyp jatqan ýaqyt aralyǵynda kez kelgen taldanyp jatqan respýblikalyq telearnany qaraǵan barlyq telekórermenderden paiyzdyq tulǵalaýdaǵy telearna kórermenderiniń sany), ár minýt saiyn qamtý (minýtyna bir ret bolsyn telearnany qaraǵan telekórermender sany) jáne telebaǵdarlamalardy qamtý (naqty bir telebaǵdarlamany qaraǵan biregei telekórermender sany) kórsetkishteri qoljetimdi.
Servisti iske qosý telekórermenniń talabyna jedel túrde jaýap berýge múmkindik beredi, sondai-aq qazaqstandyq teledidar kontentiniń básekelestigin odan ári arttyrýǵa jol ashady dep kútilýde.
