Sýret: ashyq derekkóz
Densaýlyq saqtaý ministrliginiń dereginshe, Qazaqstanda «lýdoman» diaognozymen nebári 19 adam resmi esepte tur. Týrizm jáne sport vitse-ministri Miras Tólebaev bul statistika eldegi shynaiy kartinany kórsetpeitinin málimdedi.
Onyń aitýynsha, qumar oiynǵa salynǵandar memlekettik klinikalarǵa bara qoimaidy. Sebebi lýdoman retinde esepke turýdyń óz qiyndyǵy bar.
«Lýdomandar kómek úshin memlekettik klinikalarǵa júginbeitini jasyryn emes. Sebep – bul osyndai patsientterdiń dinamikalyq esebi. Esepke alynǵan azamattar joǵary oqý oryndaryna túse almaidy, áskerde qyzmet etpeidi nemese jumysqa tura almaidy. Densaýlyq saqtaý ministrliginiń aqparatynsha, resmi esepte nebári 19 lýdoman tur. Árine, bul statistika eldegi shynaiy jaǵdaidy kórsetpeidi», - dedi Tólebaev Ortalyq kommýnikatsiialar qyzmetinde ótken brifingte.
Ol kóptegen lýdoman qyrýar aqsha tólep jekemenshik klinikalarda reabilitatsiiadan ótetinin atap ótti.
Aitýynsha, endi memlekettik klinikalarda da anonimdilik saqtalady. Osylaisha lýdomandar tegin meditsinalyq kómekpen qamtylady.
