Qazaqstanda táýligine 1 mln dana meditsinalyq maska shyǵarylatyn bolady. Bul týraly búgin Ortalyq kommýnikatsiialar qyzmetindegi brifingte QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Qazirgi ýaqytta bir táýliktiń ishinde óndiriletin barlyq maskanyń jalpy sany 604 myń danany quraidy. Bul kólem aldaǵy ýaqytta táýligine 1 million danaǵa jetkiziledi. Nur-Sultan men Almaty qalalarynda táýekel tobyna kiretin adamdarǵa tegin maska berý uiymdastyrylady», - dedi ministr.
Onyń aitýynsha, elimiz boiynsha 27 myń tósek-oryn daiyndalǵan. Elordadaǵy tósek-oryndardyń 25, al Almatyda 12 paiyzynda ǵana adamdar jatyr.
Sondai-aq, BAQ ókilderi koronavirýs infektsiiasynan qaza tapqandardy jerleý tetikteri bar ma dep suraǵan edi.
«Mundai jaittan Qudai saqtasyn. Degenmen, bizde algoritm ázirlengen. Ol búkil álemde qabyldanǵan normalar men standarttarǵa sai keledi. Sondyqtan bul máseleni naqty bir adamdarǵa qatysty talqylamaimyz dep oilaimyn», - dedi Dáýren Abaev.
