Qazaqstan Qaptamashylar qaýymdastyǵynyń basshysy Batyrbek Áýbákirov Óndirýshiniń keńeitilgen jaýapkershiligi printsipin engizý boiynsha pikir bildirdi, dep habarlaidy QazAqparat.
«Óndirýshiniń keńeitilgen jaýapkershiligi degenimiz - elimizdiń ekologiiasyn qorǵaý, óndirýshiniń shyǵarǵan taýardyń qaptamasyna jaýapkershilik alýy. Mysaly, siz tanymal kompaniianyń átirsýyn aldyńyz delik. Ony qoldanyp bolǵannan keiin qaptamasyn qoqysqa laqtyrasyz jáne ol qaptama qaida baratynyn bilmeisiz. Osyndai jaǵdaida sol tanymal kompaniia Óndirýshiniń keńeitilgen jaýapkershiligine tender ótkizip, qaptamalardy jinap alýy úshin aqsha tóleýi kerek. Osylaisha ol kompaniia Qazaqstan ekologiiasynyń lastanbaýyna úles qosýy kerek», - deidi Batyrbek Áýbákirov.
Onyń aitýynsha, elimizdegi dúken sórelerinde turǵan taýardyń 90%-y shetelden kelgen ónimder.
«Tamaq, kiim-keshek, dári-dármek, kosmetikanyń kóbi shetelden keledi. Onyń qaptamalary kúnderdiń bir kúninde elimizdegi qoqys poligondaryn lastaityn bolady. Bul printsip dúniejúzi boiynsha jaqsy jolǵa qoiylǵan. Eger qazaqstandyq kompaniia shetelge ónimin satatyn bolsa - ónim qaptamasy úshin, iaǵni qoqys úshin aqsha tóleidi», - deidi ol.
Sondai-aq, ol jinalǵan qoqysty qaita óńdeý kerek ekenin aitty.
«Eń durysy - jinalǵan qoqysty qaita óńdeý nemese qaita óńdeitin elge satý. Tetra Pak shyǵaratyn zaýyt Qazaqstanda joq. Biz ony Reseiden satyp alamyz. Olar bizge satady, al paidalanyp bolǵan soń ol qai jerde qalatynymen sharýalary joq. Al onyń qoqysyn bizdiń memleket jinaýǵa tiisti emes, sol sebepte tender jariialap, utyp alǵan kásipkerdiń uiymy onyń qoqysyn jinaidy. Mysaly, Tetra Pak degen konteiner ashyp qoiyp, turǵyndar qaptamany sol konteinerge salatyndai jaǵdai jasap qoiady. Osylaisha Óndirýshiniń keńeitilgen jaýapkershiligine «Aiyna osynsha, jylyna osynsha qaptama jinadyq» dep esep beredi. Osylaisha shaǵyn jáne orta biznesti damytýǵa bolady», - deidi ol.
