قازاقستان قاپتاماشىلار قاۋىمداستىعىنىڭ باسشىسى باتىربەك ەۋبەكٸروۆ ٶندٸرۋشٸنٸڭ كەڭەيتٸلگەن جاۋاپكەرشٸلٸگٸ پرينتسيپٸن ەنگٸزۋ بويىنشا پٸكٸر بٸلدٸردٸ, دەپ حابارلايدى قازاقپارات.
«ٶندٸرۋشٸنٸڭ كەڭەيتٸلگەن جاۋاپكەرشٸلٸگٸ دەگەنٸمٸز - ەلٸمٸزدٸڭ ەكولوگيياسىن قورعاۋ, ٶندٸرۋشٸنٸڭ شىعارعان تاۋاردىڭ قاپتاماسىنا جاۋاپكەرشٸلٸك الۋى. مىسالى, سٸز تانىمال كومپانييانىڭ ەتٸرسۋىن الدىڭىز دەلٸك. ونى قولدانىپ بولعاننان كەيٸن قاپتاماسىن قوقىسقا لاقتىراسىز جەنە ول قاپتاما قايدا باراتىنىن بٸلمەيسٸز. وسىنداي جاعدايدا سول تانىمال كومپانييا ٶندٸرۋشٸنٸڭ كەڭەيتٸلگەن جاۋاپكەرشٸلٸگٸنە تەندەر ٶتكٸزٸپ, قاپتامالاردى جيناپ الۋى ٷشٸن اقشا تٶلەۋٸ كەرەك. وسىلايشا ول كومپانييا قازاقستان ەكولوگيياسىنىڭ لاستانباۋىنا ٷلەس قوسۋى كەرەك», - دەيدٸ باتىربەك ەۋبەكٸروۆ.
ونىڭ ايتۋىنشا, ەلٸمٸزدەگٸ دٷكەن سٶرەلەرٸندە تۇرعان تاۋاردىڭ 90%-ى شەتەلدەن كەلگەن ٶنٸمدەر.
«تاماق, كيٸم-كەشەك, دەرٸ-دەرمەك, كوسمەتيكانىڭ كٶبٸ شەتەلدەن كەلەدٸ. ونىڭ قاپتامالارى كٷندەردٸڭ بٸر كٷنٸندە ەلٸمٸزدەگٸ قوقىس پوليگوندارىن لاستايتىن بولادى. بۇل پرينتسيپ دٷنيەجٷزٸ بويىنشا جاقسى جولعا قويىلعان. ەگەر قازاقستاندىق كومپانييا شەتەلگە ٶنٸمٸن ساتاتىن بولسا - ٶنٸم قاپتاماسى ٷشٸن, ياعني قوقىس ٷشٸن اقشا تٶلەيدٸ», - دەيدٸ ول.
سونداي-اق, ول جينالعان قوقىستى قايتا ٶڭدەۋ كەرەك ەكەنٸن ايتتى.
«ەڭ دۇرىسى - جينالعان قوقىستى قايتا ٶڭدەۋ نەمەسە قايتا ٶڭدەيتٸن ەلگە ساتۋ. Tetra Pak شىعاراتىن زاۋىت قازاقستاندا جوق. بٸز ونى رەسەيدەن ساتىپ الامىز. ولار بٸزگە ساتادى, ال پايدالانىپ بولعان سوڭ ول قاي جەردە قالاتىنىمەن شارۋالارى جوق. ال ونىڭ قوقىسىن بٸزدٸڭ مەملەكەت جيناۋعا تيٸستٸ ەمەس, سول سەبەپتە تەندەر جارييالاپ, ۇتىپ العان كەسٸپكەردٸڭ ۇيىمى ونىڭ قوقىسىن جينايدى. مىسالى, Tetra Pak دەگەن كونتەينەر اشىپ قويىپ, تۇرعىندار قاپتامانى سول كونتەينەرگە سالاتىنداي جاعداي جاساپ قويادى. وسىلايشا ٶندٸرۋشٸنٸڭ كەڭەيتٸلگەن جاۋاپكەرشٸلٸگٸنە «ايىنا وسىنشا, جىلىنا وسىنشا قاپتاما جينادىق» دەپ ەسەپ بەرەدٸ. وسىلايشا شاعىن جەنە ورتا بيزنەستٸ دامىتۋعا بولادى», - دەيدٸ ول.
