Elimizde «Tsifrly Qazaqstan» memlekettik baǵdarlamasy aiasynda taýar belgisin tirkeýshi-bot óz jumysyn bastady. PatentBot platformasy taýar belgisiniń tirkelgen ne tirkelmegendigin tegin anyqtaýǵa jáne tirkelýge ótinish berýge múmkindik beredi.
Atalmysh tirkeýshi-bot Qazaqstannan bólek, Resei, Belorýssiia jáne Qytaida jumys isteidi. Sol arqyly taýar belgisin tegin tekserýge jáne onyń ielenýshisi bar-joǵyn ońai anyqtaýǵa bolady.
Qoldanýshy messendjerden shyqpai-aq, izdeýden bastap tólemge deiingi barlyq protsesti 7-10 minýt aralyǵynda jasai alady. Naqtyraq aitsaq, qajetti málimetter tolyqtai engizilip, tirkeý jumystary talapqa sai oryndalǵanan keiin tólem jasalady. Tólem jasalǵannan keiin avtorizatsiia rastalady. Budan soń bek-keńse ortalyqqa ótinish berý múmkindigin qarastyra bastaidy. Al atalmysh bot paidalanýshyny taýar belgisi týraly málimetpen qamtamasyz etedi. Osy kezeńderde tapsyrys berýshi ýaqyttyń 80%-yn únemdei alady. Blokcheindi óz qyzmetterine biriktirý avtorlyq quqyqty qorǵaýǵa jáne onyń kúrdeli júiesin jeńildetýge kómektesedi.
«Bizdiń basty maqsat – kez kelgen paidalanýshyǵa júie arqyly qai elde bolmasyn, óziniń saýda markasyn birneshe minýt ishinde tirkeýge múmkindik jasaý. Bul platforma paidalanýshylardyń aldaǵy ýaqytta álemdik naryqqa shyǵýyna óz septigin tigizedi», - deidi PatentBot negizin qalaýshy Natalia Vladimirova.
Aita ketsek, platforma alǵash ret 2017 jyly AQSh pen Ýkrainada qoldanysqa endi. Al 2018 jyldyń sáýirinen bastap Eýroodaq elderinde jáne Taiaý Shyǵysta synaq rejiminde jumys istei bastady. Osy eki jyl aralyǵynda bottyń kómegimen taýar belgisin alýǵa 1000-nan astam ótinish berilgen. 2018 jyldyń qańtarynda PatentBot amerikalyq ProductHunt platformasynyń nusqasy boiynsha «Jyl boty» dep tanyldy. 2019 jyldyń maýsym aiynda jobaǵa jańa investitsiia tartylyp, kompaniianyń ishki ónimi arta tústi.
