Turǵyn úi-kommýnaldyq sharýashylyq tarifterin bekitý boiynsha retteýshi qyzmeti júkteletin biryńǵai organ qurýdyń ýaqyty kelgen joq. Bul týraly Májilis depýtattarynyń saýalyna QR Premer-Ministriniń orynbasary Roman Skliardyń jaýabynda aitylǵan, dep habarlaidy QazAqparat.
«2007 jyldyń 30 qarashasynda Úkimettiń №1153 qaýlysymen táýelsiz salalyq retteýshiler qurý tujyrymdamasy qabyldanǵannan keiin tariftik jáne tehnikalyq retteý qyzmetterin biriktiretin táýelsiz salalyq retteýshiler qurý jumysy júrgizildi. Atalǵan jumys básekelestikti damytýǵa, tarif qalyptastyrýdyń teńgerimdi júielerin qurýǵa, salanyń investitsiialyq tartymdylyǵyn arttyrýǵa, negizgi qorlardy jańǵyrtýǵa baǵyttalǵan. Osylaisha, biryńǵai tariftik retteýshini qurý ýaqyty kelgen joq», - dedi Roman Skliar.
Aita keterligi, Májilis depýtattarynyń saýalynda Energetika jáne Ulttyq ekonomika ministrlikteriniń birqatar qyzmetterin biriktiretin biryńǵai organ qurý, oǵan turǵyn úi-kommýnaldyq sharýashylyq tarifterin bekitý boiynsha retteýshi qyzmetin berý máselesi kóterilgen bolatyn. Sondai-aq depýtattar jańadan qurylatyn organdy Prezident baqylaýyna berýdi de usynǵan edi.
