تۇرعىن ٷي-كوممۋنالدىق شارۋاشىلىق تاريفتەرٸن بەكٸتۋ بويىنشا رەتتەۋشٸ قىزمەتٸ جٷكتەلەتٸن بٸرىڭعاي ورگان قۇرۋدىڭ ۋاقىتى كەلگەن جوق. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى رومان سكلياردىڭ جاۋابىندا ايتىلعان, دەپ حابارلايدى قازاقپارات.
«2007 جىلدىڭ 30 قاراشاسىندا ٷكٸمەتتٸڭ №1153 قاۋلىسىمەن تەۋەلسٸز سالالىق رەتتەۋشٸلەر قۇرۋ تۇجىرىمداماسى قابىلدانعاننان كەيٸن تاريفتٸك جەنە تەحنيكالىق رەتتەۋ قىزمەتتەرٸن بٸرٸكتٸرەتٸن تەۋەلسٸز سالالىق رەتتەۋشٸلەر قۇرۋ جۇمىسى جٷرگٸزٸلدٸ. اتالعان جۇمىس بەسەكەلەستٸكتٸ دامىتۋعا, تاريف قالىپتاستىرۋدىڭ تەڭگەرٸمدٸ جٷيەلەرٸن قۇرۋعا, سالانىڭ ينۆەستيتسييالىق تارتىمدىلىعىن ارتتىرۋعا, نەگٸزگٸ قورلاردى جاڭعىرتۋعا باعىتتالعان. وسىلايشا, بٸرىڭعاي تاريفتٸك رەتتەۋشٸنٸ قۇرۋ ۋاقىتى كەلگەن جوق», - دەدٸ رومان سكليار.
ايتا كەتەرلٸگٸ, مەجٸلٸس دەپۋتاتتارىنىڭ ساۋالىندا ەنەرگەتيكا جەنە ۇلتتىق ەكونوميكا مينيسترلٸكتەرٸنٸڭ بٸرقاتار قىزمەتتەرٸن بٸرٸكتٸرەتٸن بٸرىڭعاي ورگان قۇرۋ, وعان تۇرعىن ٷي-كوممۋنالدىق شارۋاشىلىق تاريفتەرٸن بەكٸتۋ بويىنشا رەتتەۋشٸ قىزمەتٸن بەرۋ مەسەلەسٸ كٶتەرٸلگەن بولاتىن. سونداي-اق دەپۋتاتتار جاڭادان قۇرىلاتىن ورگاندى پرەزيدەنت باقىلاۋىنا بەرۋدٸ دە ۇسىنعان ەدٸ.
