Qazaqstan densaýlyq saqtaý ministrligi 4 mamyr 22.20-daǵy málimetine sai elde taǵy eki adam koronavirýstan qaitys boldy. Onyń biri - Jambyl oblysynda, biri - Qaraǵandy oblysynda.
Osylaisha, elde resmi derek boiynsha, COVID-19 dertinen 29 adam kóz jumdy. Olar myna aimaqta:
-
Almaty qalasy – 8
-
Shymkent qalasy – 5
-
Aqmola oblysy – 4
-
Nur-Sultan qalasy – 3
-
Qaraǵandy oblysy – 3
-
Shyǵys Qazaqstan oblysy – 1
-
Jambyl oblysy – 1
-
Qostanai oblysy – 1
-
Mańǵystaý oblysy – 1
-
Pavlodar oblysy – 1
-
Túrkistan oblysy – 1
Qazir Qazaqstanda barlyǵy 4028 adamnan (dúisenbide 129) virýs tabyldy. 1173 adam (dúisenbide 89 adam) dertten aiyqty.
Qazaqstannyń bas sanitarlyq dáriger Aijan Esmaǵambetova elde koronavirýs taraýy turaqtalyp kele jatqanyn, keiingi eki aptada infektsiia taraýy 7 paiyzdan tómen ekenin aitty.
Esmaǵambetovanyń sózinshe, naýryzda dertke shaldyqqandarmen bailanysta bolǵandardan jáne shetelden kelgenderden virýs tabylsa, sáýirde 1862 adamnan (52%) virýs profilaktikaly test alý kezinde anyqtalǵan.
Densaýlyq saqtaý ministrliginiń málimetinshe, Qazaqstanda 13 naýryz – 4 mamyr arasynda 306 861 adamnan analiz alynǵan.
Ministrlik mamyrdyń sońyna deiin 5300 adamǵa virýs juǵady dep boljaidy. Elde koronavirýs taraýyna bailanysty 11 mamyrǵa deiin tótenshe jaǵdai jáne karantin jariialanǵan.
