8 jeltoqsanda Qazaqstanda koronavirýs juqqany testpen dáleldengen 729 adam anyqtaldy, dep habarlaidy "Ult aqparat".
Ótken táýlikte Nur-Sultan qalasynda - 106, Almaty qalasynda - 68, Shymkent qalasynda - 4, Aqmola oblysynda - 60, Aqtóbe oblysynda - 8, Almaty oblysynda - 22, Atyraý oblysynda - 34, Shyǵys Qazaqstan oblysynda - 95, Jambyl oblysynda - 22, Batys Qazaqstan oblysynda - 34, Qaraǵandy oblysynda - 30, Qostanai oblysynda - 74, Qyzylorda oblysynda - 1, Mańǵystaý oblysynda - 3, Pavlodar oblysynda - 98, Soltústik Qazaqstan oblysynda 70 adamnan COVID-19 infektsiiasy anyqtalǵan.
Naýryz aiynan beri koronavirýs juqqany testpen dáleldengen 138 382 adam tirkelgen. Osy ýaqyt aralyǵynda koronavirýstan 2 105 adam qaitys bolǵan. 122 myńnan astamy jazylǵan.
Qazaqstan biligi 1 tamyzdan beri klinikalyq belgileri koronavirýsqa uqsas pnevmoniiaǵa bólek kod berip, jalpy pnevmoniiaǵa shaldyqqandardan ajyratyp, bólek eseptep keledi. Sodan beri 43 339 adamǵa koronavirýs pnevmoniiasy diagnozy qoiylǵan. 4 aidan astam ýaqyt aralyǵynda 456 adam qaitys bolǵan. 31 myńnan astamy jazyldy.
9 jeltoqsanda koronavirýstyq infektsiia belgileri bar pnevmoniianyń 215 jaǵdaiy tirkeldi. Oǵan qosa 109 adam emdelip shyqty.
Densaýlyq saqtaý ministrliginiń deregine sensek, qazir Qazaqstanda koronavirýstan 13 986 adam emdelip jatyr. Olardyń arasynda 1003 bala bar.
Ondaǵy málimetterge qaraǵanda, eldegi statsionarlarda 3 747 naýqas jatyr, 10 239 adam ambýlatoriialyq jaǵdaida emdelýde.
«Jalpy naýqastardyń arasynda 231 adamnyń densaýlyq jaǵdaiy nashar. Sonyń ishinde 33 naýqastyń densaýlyq jaǵdaiy asa aýyr dep baǵalanyp otyr, 38 naýqas jasandy tynys alý apparatynda jatyr», - delingen habarlamada.
