Qazaqstanda 15 mamyrda 2459 adamnan koronavirýs tabyldy. Al 14 mamyrda 118 adamnan "koronavirýs pnevmoniiasy" anyqtalǵan. Bul týraly densaýlyq saqtaý ministrligi habarlady.
Qazir elde barlyǵy 358 104 adamnan koronavirýs tabylǵan. 2020 jyldyń 13 naýryzynan beri elde resmi túrde 4057 adam koronavirýstan qaitys bolǵan. Al 14 mamyrda 15 adam koronavirýstan kóz jumdy.
Ministrlik "koronavirýs pnevmoniiasynyń" esebin (PTR testi teris, biraq Covid belgileri bar) 2020 jyldyń 1 tamyzynan bastap júrgizip keledi. Al oǵan deiingi bul indetpen aýyrǵandardyń esebi resmi statistikaǵa enbei qalǵan. Osy ýaqytqa deiin resmi túrde 54 132 adam "pnevmoniiaǵa" shaldyǵyp, 854 adam qaitys bolǵan. 14 mamyrda bul dertten eki adam kóz jumdy.
8 mamyrda amerikalyq IHME zertteý ortalyǵy 20 eldegi ólim deńgeiin saralaǵan. Institýt Qazaqstanda koronavirýstan 81 696 adam qaitys bolǵan dep eseptegen. Demek, IHME esebinshe bul elde koronavirýstan kóz jumǵandar resmi statistikadan 14,5 ese kóp.
Qazaqstan densaýlyq saqtaý ministrligi amerikalyq institýttyń deregin joqqa shyǵaryp, bul zertteý "boljam" degen.
AQSh-ta ornalasqan Djon Hopkins ýniversitetiniń esebinshe álemde 162 mln adam koronavirýsqa shaldyqqan. 101 adam dertten aiyqsa, 3,36 mln adam qaitys bolǵan.
