قازاقستاندا 15 مامىردا 2459 ادامنان كوروناۆيرۋس تابىلدى. ال 14 مامىردا 118 ادامنان "كوروناۆيرۋس پنەۆمونيياسى" انىقتالعان. بۇل تۋرالى دەنساۋلىق ساقتاۋ مينيسترلٸگٸ حابارلادى.
قازٸر ەلدە بارلىعى 358 104 ادامنان كوروناۆيرۋس تابىلعان. 2020 جىلدىڭ 13 ناۋرىزىنان بەرٸ ەلدە رەسمي تٷردە 4057 ادام كوروناۆيرۋستان قايتىس بولعان. ال 14 مامىردا 15 ادام كوروناۆيرۋستان كٶز جۇمدى.
مينيسترلٸك "كوروناۆيرۋس پنەۆمونيياسىنىڭ" ەسەبٸن (پتر تەستٸ تەرٸس, بٸراق Covid بەلگٸلەرٸ بار) 2020 جىلدىڭ 1 تامىزىنان باستاپ جٷرگٸزٸپ كەلەدٸ. ال وعان دەيٸنگٸ بۇل ٸندەتپەن اۋىرعانداردىڭ ەسەبٸ رەسمي ستاتيستيكاعا ەنبەي قالعان. وسى ۋاقىتقا دەيٸن رەسمي تٷردە 54 132 ادام "پنەۆمونيياعا" شالدىعىپ, 854 ادام قايتىس بولعان. 14 مامىردا بۇل دەرتتەن ەكٸ ادام كٶز جۇمدى.
8 مامىردا امەريكالىق IHME زەرتتەۋ ورتالىعى 20 ەلدەگٸ ٶلٸم دەڭگەيٸن سارالاعان. ينستيتۋت قازاقستاندا كوروناۆيرۋستان 81 696 ادام قايتىس بولعان دەپ ەسەپتەگەن. دەمەك, IHME ەسەبٸنشە بۇل ەلدە كوروناۆيرۋستان كٶز جۇمعاندار رەسمي ستاتيستيكادان 14,5 ەسە كٶپ.
قازاقستان دەنساۋلىق ساقتاۋ مينيسترلٸگٸ امەريكالىق ينستيتۋتتىڭ دەرەگٸن جوققا شىعارىپ, بۇل زەرتتەۋ "بولجام" دەگەن.
اقش-تا ورنالاسقان دجون حوپكينس ۋنيۆەرسيتەتٸنٸڭ ەسەبٸنشە ەلەمدە 162 ملن ادام كوروناۆيرۋسقا شالدىققان. 101 ادام دەرتتەن ايىقسا, 3,36 ملن ادام قايتىس بولعان.
