Qazaqstanda 2 mamyrda 2496 adamnan koronavirýs tabyldy. Al 1 mamyrda 12 adam "koronavirýs pnevmoniiasyna" shaldyqqan. Covid dertinen 1 mamyrda 18 adam (ekeýi "koronavirýs pnevmoniiasy") kóz jumdy. Bul týraly eldiń densaýlyq saqtaý ministrligi habarlady.
Resmi derek boiynsha, byltyr mamyrdan beri Qazaqstanda 327 995 adamnan koronavirýs tabylyp, 3733 adam qaitys bolǵan.
Ministrlik koronavirýs testi teris, biraq belgileri Covid dertine uqsas "pnevmoniia" statistikasyn 2020 jyldyń 1 tamyzynan beri júrgizip keledi. Osy ýaqyttan beri elde 53083 adam"“koronavirýs pnevmoniiasyna" shaldyǵyp, 809 adam qaitys bolǵan.
3 mamyrdaǵy derek boiynsha, elde qazir 44374 adam emdelip jatyr. 43920 naýqastan koronavirýs anyqtalǵan. 762 adamnyń hali aýyr, 197 naýqastyń jaǵdaiy tym múshkil. 122 adam jasandy tynys alý apparatyna qosylǵan.
Qazaqstanda qazirge deiin 1,3 million adam ekpeniń bir dozasyn bolsa da alǵan. Bul el jurtqa reseilik "Spýtnik V", QazVac jáne BAÁ elinde jasalǵan Qytaidyń Sinopharm kompaniiasynyń ekpesin salyp jatyr
Eldiń bas sanitarlyq dárigeri Erlan Qiiasov halyqtyń kóbine vaktsina jetý úshin 1 mamyrda "Spýtnik V" ekpesiniń eki dozasynyń arasyn úsh aptadan 45-90 kúnge sozǵan.
AQSh-taǵy Djons Hopkins ýniversitetiniń dereginshe, álemde 152 million adamǵa virýs juqqan. 89.1 million adam dertten aiyqqan. 3,19 million adam qaitys boldy.
