Sýret: videodan skrinshot
Semeide súiiktisin kólikpen basyp óltirgen jigitke qatysty sot úkimi shyqty.
Bolǵan oqiǵadan keiin 33 jastaǵy Diana Súleimenova komaǵa túsip, artynsha kóz jumdy.
Sot kúdiktini qylmystyq kodekstiń "Ólimge alyp kelgen densaýlyqqa qasaqana aýyr ziian keltirý" baby boiyrsha kináli dep tapty. Ol 9,5 jylǵa bas bostandyǵynan aiyryldy.
Odan jábirlenýshi taraptyń paidasyna 12 mln teńgeden astam materialdyq zalal men moraldyq ziian óndirdi.
Sot aýyrlatatyn jáne jeńildetetin jaǵdailardyń joqtyǵyn, er adamnyń oń sipattamasyn, sottylyqtyń joqtyǵyn jáne kináni ishinara moiyndaýdy eskerdi.
"Men jasaǵan qylmystan jaltarmaimyn, jazamdy alamyn. Biraq men alǵa tartqan dálel-dáiekterdi eskere otyryp, úkim shyǵarýyńyzdy suraimyn", - dedi aiyptalýshy.
Sot úkimi zańdy kúshine engen joq.
Eske salsaq, Semeide jigit súiiktisin kólikpen basyp ketti. Qyz komada 15 saǵat jatyp, kóz jumǵan.
