2024 jylǵy 27 qyrkúiekte Qazaqstan Respýblikasy Energetika ministriniń № 342 buiryǵymen elde sýtegi energetikasyn damytýdyń 2030 jylǵa deiingi tujyrymdamasy bekitildi, dep habarlaidy Energetika ministrligine silteme jasaǵan Ult.kz.
Bul qujat elimizdegi sýtegi energetikasy sektoryn damytý úshin negizgi baǵdar bolady jáne jahandyq ekologiialyq máselelerdi sheshýge eleýli úles qosatyny aitylady.
Vedomstvo málimetinshe, tujyrymdamaǵa ulttyq kómirtegi beitaraptyǵy maqsatyna qol jetkizý jáne parniktik gazdar shyǵaryndylaryn qysqartý jónindegi halyqaralyq mindettemelerdi oryndaý siiaqty mańyzdy baǵyttar kiredi. Negizgi nazar sýtegi tehnologiialaryn damytýǵa jáne osy saladaǵy pilottyq jobalardy iske asyrý úshin investitsiialar tartýǵa aýdarylady. Tujyrymdamada kózdelgen pilottyq jobalar ozyq tehnologiialardy engizýge jáne eldiń energetika sektorynda jańa múmkindikter jasaýǵa yqpal etedi.
"Tujyrymdamany sátti júzege asyrý Qazaqstaǵa álemdik energetika arenada óz pozitsiialaryn nyǵaitýǵa múmkindik beredi jáne kómirtekti beitaraptyqqa jetý jolyndaǵy mańyzdy qadam bolady dep kútiledi", - delingen ministrlik habarynda.
Sýtegi energetikasyn damytý Qazaqstannyń jasyl ekonomikaǵa kóshý jáne turaqty damý strategiiasynyń mańyzdy elementi ekeni aitylǵan.
