Foto: ashyq derekkóz
Úkimet otyrysynda sý resýrstary jáne irrigatsiia ministri Nurjan Nurjigitov sý resýrstaryn basqarý salasyndaǵy tsifrlandyrý sharalary týraly aitty, dep habarlaidy Ult.kz.
Onyń aitýynsha, jańa tsifrlyq sheshimderdi engizý basym baǵyttardyń biri bolyp otyr. 2025 jyldyń basynan bastap ministrlik Eýraziia damý bankiniń Tsifrlyq bastamalar qorynyń granty esebinen Ulttyq sý resýrstary aqparattyq júiesin ázirleý júrgizilýde. Platforma spýtnikter men gidroposttardan bastap statistika men esepke alý quraldaryna deiingi ártúrli kózderden alynǵan derekterdi biriktirip, eldiń sý qoryn basqarýdyń biryńǵai tsifrlyq keńistigin jasaidy.
Ekinshiden, sýarmaly jeliler men sý resýrstaryn esepke alýdy avtomattandyrý baǵytynda jumys júrgizilýde. Memleket basshysynyń tapsyrmasyna sáikes uzyndyǵy 3,5 myń shaqyrymnan astam sýarý infraqurylymyn jańǵyrtý jáne tsifrlandyrý maqsatynda kanaldardy kezeń kezeńimen avtomattandyrý bastaldy.
Sonymen qatar Túrkistan, Jambyl, Qyzylorda, Almaty jáne Jetisý oblystarynda jalpy uzyndyǵy 5 myń km-den astam sýarý jelilerin tsifrlandyrýǵa arnalǵan jobalyq-smetalyq qujattama ázirlenýde. 2027 jylǵa deiin sý esepteý júielerin tolyq tsifrlandyrý, sondai-aq avtomattandyrylǵan gidrojapqyshtar engizý josparlanýda.
Aita ketý kerek, tsifrlandyrý jobalaryn ázirleý barysynda basym baǵyt otandyq óndirýshilerdiń zamanaýi tehnologiialyq sheshimderi men jabdyqtaryna nazar aýdarylady.
Barlyq tsifrlyq úderisterdi úilestirý úshin sý resýrstarynyń aqparattyq-taldaý ortalyǵy quryldy. Onyń mindetteri – derekterdi jinaý jáne taldaý, platformalardy súiemeldeý jáne saladaǵy tsifrlyq qyzmetterdi damytý.
