QR Ishki ister ministriniń orynbasary Iýrii Ilin kóktemde bolýy yqtimal sý tasqynyna daiyndyq sharasy týraly aityp berdi, dep habarlaidy"Ult aqparat".
«Qazirgi ýaqytta Qazgidromet uiymymen birlesip, kúsheitilgen jumys rejimine aýystyq. 7-13 naýryzǵa jasalǵan boljam boiynsha, Qazaqstannyń qar basqan aýmaǵy jalpy aýmaqtyń 54%-yna deiin azaidy. Buǵan deiin aitqanymdai, Túrkistan men Qyzylorda oblystarynda sý tasqyny qaýpi joq. Syrdariia ózenindegi muz tolyq eridi. Shardara sý qoimasy men Kóksarai kontretteýshisi qalypty jaǵdaida jumys istep tur. Ondaǵy sýdyń tolýy sý resýrstary komitetiniń kestelerine sáikes júrgizilip jatyr», - dedi Iu. Ilin Ortalyq kommýnikatsiialar qyzmetinde ótken brifingte.
Onyń aitýynsha, Nur-Sultan qalasynda, Aqmola, Shyǵys Qazaqstan, Qaraǵandy, Qostanai, Pavlodar jəne Soltústik Qazaqstan oblystarynda sý tasqyny qaýpi bar.
«Búgin Aqmola oblysynda sý tasqynyna qarsy jumystar bastaldy. 20 naýryzǵa qarai, Pavlodar men Qostanai oblystarynda bastalady. Soltústik Qazaqstanda muz qatpary men qar jabyny áli de bar. Sondyqtan, aidyń sońynda aldyn alý jumystary qolǵa alynady», - dedi Iu. Ilin.
Buǵan deiin kóktemgi sý tasqynynan zardap shekken turǵyndarǵa 30 myń teńgeden beriletini týraly habarlanǵan edi.
