Foto: pexels.com
Bul týraly premer-ministr Oljas Bektenovtiń tóraǵalyǵymen ótken Úkimet otyrysynda ónerkásip jáne qurylys ministri Qanat Sharlapaev aityp berdi, dep habarlaidy Ult.kz.
Ministr sý tasqynynan zardap shekken qazaqstandyqtarǵa arnalǵan 2576 úidiń qurylysy aiaqtalǵanyn habarlady. Olardy salý jumystary mamyr aiynyń sońynda bastalyp, 4 ai ishinde aiaqtaldy.
"Máselen Soltústik Qazaqstan, Aqtóbe, Qostanai jáne Atyraý oblystarynda sý tasqynynan zardap shekkenderge arnalǵan úilerdiń qurylysy 100% aiaqtaldy. Qurlysy jumysy Aqmola (38 úi) jáne Batys Qazaqstan óńirlerinde (66 úi) jalǵasýda. Jańa úilerdi qyrkúiek aiynyń sońynda tapsyrý josparlanyp otyr", - deidi Sharlapaev.
Aita keteiik, kóktemgi sý tasqyny saldarynan Qazaqstanda barlyǵy 17 603 úi zardap shekti, onyń 8 447-si keiinnen apatty dep tanyldy. Memleket jańa úiler salýdan bólek, qaitalama naryqta 5 767 turǵyn úi satyp aldy.
