Foto:egemen.kz
Elde dene shynyqtyrýmen jáne sportpen shuǵyldanatyn adamdar sany 510 myńnan artyp, jalpy sany 8 millionnan asty dep otyr Týrizm jáne Sport ministri Ermek Marjyqpaev búgin májiliste ótken jiynda dep habarlaidy "Ult Aqparat".
Ministrdiń sózinshe bul halyqtyń 40,4%-na teń. Onyń 3 millionnan astamy aýyldyq jerde turatyn adamdar eken.
"Osy oraida bizdiń balalardy kóbirek tartýǵa erekshe nazar aýdaramyz.Byltyr 984 myń bala men jasóspirim sportpen qamtylǵan", -dedi Ermek Marjyqpaev.
Ministr Marjyqpaevtyń sózinshe Qazaqstanda ulttyq sport túrlerine degen qyzyǵýshylyq ta artyp keledi. Onymen júieli túrde ainalysatyndar sany 2022 jyly 584 myń adamdy, al 2023 jyly 619 myń adamdy quraǵan. Bul sportpen ainalysatyndardyń jalpy úlesiniń 8,7%-yna sáikes.
"Buqaralyq sportty, sporttyq infraqurylymdy damytý – deni saý ultty qalyptastyrýdaǵy basty mindet.
Sport nysandarynyń qoljetimdiligin arttyrý memlekettiń erekshe baqylaýynda. 2023 jyldyń qorytyndysy boiynsha halyqtyń 1000 adamǵa shaqqandaǵy sporttyq infraqurylymmen qamtamasyz etilýi 52%-dy qurady. Naqty qajettilikti anyqtaý jáne qoldanystaǵy sport nysandaryn tekserý úshin elimizdiń barlyq óńirinde aýqymdy inventarizatsiia júrgizildi. Nátijesinde respýblika boiynsha 43 myńnan astam nysannyń 7 myńnan astamy rastalmady. Jergilikti atqarýshy organdarmen birlesip, anyqtalǵan kemshilikterdi joiý jónindegi 2024-2026 jyldarǵa arnalǵan is-sharalar jospary bekitildi. Onyń aiasynda respýblikanyń 414 nysanynda qurylys, rekonstrýktsiialaý jáne jóndeý jumystary josparlanǵan. Basymdyq aýyldyq jerlerdegi obektilerge beriletini sózsiz", -dedi ministr óz sózinde.
