Qazaqstanda 10 jylǵa sottalǵan Qyrǵyzstan parlamentiniń eks-depýtaty Damirbek Asylbekýýly Qyrǵyzstanǵa ekstraditsiialandy. Bul týraly Azattyqtyń Qyrǵyz qyzmetine Jazalardy oryndaý memlekettik qyzmeti habarlady.
Asylbekýýly Qyrǵyzstanǵa 18 qarashada jetkizilgen jáne qazir tergeý izoliatorynda otyr.
"Qazaqstan sotynyń sheshimin Qyrǵyzstan Qylmystyq kodeksimen sáikestendirý úshin is materialdary Joǵarǵy sotqa joldandy. Sot sheshimine sai jaza merzimi belgilenedi" dep habarlady Qyrǵyzstannyń Jazalardy oryndaý memlekettik qyzmeti.
Qyrǵyzstandyq aqparat agenttikteri Damirbek Asylbekýýlymen birge taǵy Qyrǵyzstannyń taǵy eki azamaty ekstraditsiialanǵanyn jazdy. Jazalardy oryndaý memlekettik qyzmeti rastamady.
Damirbek Asylbekýýlý 2018 jyly 15-16 aqpanda burynǵy Ońtústik Qazaqstan oblysy men Jambyl oblysynda ótken arnaiy operatsiia kezinde qamaýǵa alynǵan. Oǵan "Shekaradan kontrabanda taýaryn ótkizbek boldy" jáne "transulttyq uiymdasqan qylmystyq topqa qatysty" degen aiyp taǵylǵan. Bul is boiynsha barlyǵy 12 adam sottalǵan.
