QR DSM Sanitarlyq-epidemiologiialyq baqylaý komitetiniń tóraǵasy Aijan Esmaǵambetova Qazaqstanda sońǵy aida 747 meditsina qyzmetkeri koronavirýs juqtyrǵanyn málim etti, dep habarlaidy "Ult aqparat".
«20 qazannan bastap 747 meditsinalyq qyzmetker aýrýdy juqtyrdy. Epidemiologiialyq tergeý nátijeleri boiynsha 118 adam ózderiniń kásibi qyzmetine bailanysty koronavirýs infektsiiasyn juqtyrǵan. Qalǵan meditsina qyzmetkerleriniń juqtyrý jaǵdaiy kásibi qyzmetine bailanysty emes», - dedi Aijan Esmaǵambetova.
Eske sala ketsek, Aleksei Tsoi «Qazaqstanda jeltoqsan nemese qańtar ailarynda qatań karantin sharalary engizilýi múmkin be» degen suraqqa jaýap bergen bolatyn.
«Apta saiyn málimetterdi zerttep, aldaǵy kezeńderge de boljam jasap jatyrmyz. Qazir kórip otyrǵanymyzdai, Qazaqstanda karantin sharalaryn jeltoqsan nemese qańtar ailarynda engizý máselesi jaǵdaidy qanshalyqty baqylaýda ustai alatynymyzǵa bailanysty bolady. Qazir koronavirýs órshigen keibir óńirde juqtyrý deńgeii tómendep kele jatqanyn baiqap otyrmyz. Shyǵys Qazaqstanda máselen jaǵdai rettelip, juqtyrý deńgeiiniń tómendeý tendentsiiasyn baqylaýdamyz», - dedi Aleksei Tsoi.
