Memleket basshysy óńirlerdegi jumysqa ornalastyrý jaǵdaiyna monitoring júrgizýge, óndiriste halyqtyq baqylaýdy engizýge jáne qyzmetkerler arasynda tsifrlyq saýattylyqty arttyrýǵa shaqyrdy, - dep habarlaidy «Ult aqparat».
Prezident Qasym-Jomart Toqaev Ulttyq qoǵamdyq senim keńesiniń otyrysynda ishki kóshi-qondy basqarý jónindegi mindetterdi atap ótti.
"Ishki kóshi-qon máselesi kóbinese eńbek naryǵyndaǵy jaǵdaiǵa bailanysty. Eńbekti kóp qajet etetin memlekettik baǵdarlamalardy iske asyrý esebinen jumys oryndaryn qurýdyń basqarylatyn protsesteri, ásirese daǵdarys kezeńinde, jumyspen qamtý problemalaryn sheshýge kómektesedi. Osy jyly daǵdarysqa qarsy sharalardy qabyldaý bizge jumys oryndaryn qurýdyń jaqsy qarqynyn saqtaýǵa kómektesti", - dedi Toqaev.
Prezidenttiń aitýynsha, halyqty jumyspen qamtýdy keńeitý úshin bul áli jetkiliksiz.
"Jyl saiyn qajetti jumys oryndaryn qurý úshin aimaqtyq jumyspen qamtý kartalaryn jasaý kerek. Úkimet barlyq memlekettik baǵdarlamalardaǵy jumys oryndary boiynsha indikatorlardy ózektendirýdi qamtamasyz etip, statistikalyq eseptiń tiisti júiesin engizýi kerek", - dedi memleket basshysy.
Sonymen qatar prezident qonys aýdarýshylarǵa beriletin járdemaqy kólemin 97 230 teńgeden 194 460 teńgege deiin arttyrýdy usyndy.
"Memleket migranttar úshin barynsha qolaily jaǵdai jasaýy tiis. Soltústik Qazaqstan oblysyna demografiialyq ósý boiynsha eń tómen kórsetkish bar, alaida oblys óńirge qonys aýdarýshylardy tartý boiynsha jaqsy nátijeler kórsetip otyr. Kóship-qonýshylardy yntalandyrý maqsatynda qosymsha shara retinde járdemaqy mólsherin eki esege, iaǵni 35 AEK - ten 70 AEK-ke deiin arttyrýdy usynamyn", - dedi Toqaev.
Prezidenttiń aitýynsha, óńirde qonys aýdarýshylar úshin jańa turǵyn úiler salynýda. Kommýnaldyq infraqurylym júiesi damýda, áleýmettik mańyzy bar nysandar salynyp jatyr.
Aita keteiik, 2019 jyly Soltústik Qazaqstan oblysyna qonys aýdarýshylar úshin 428 úidiń qurylysyna 3 milliard teńge nemese 7,7 million dollar bólindi.
Ǵabit Músirepov aýdanynda jeti eldi mekende 39 úi salynýda, oǵan 273 million teńge bólindi. Úilerdiń aýdany 70-ten 90 sharshy metrge deiin. Jaldaý aqysy – bes jyl turǵannan keiin jekeshelendirý quqyǵymen aiyna 7 myńnan 9 myń teńgege deiin (18-23 dollar).
Qonys aýdarǵysy keletin otbasylardyń keminde bir jyl turaqty tirkeýi, sondai-aq keminde eki balanyń otbasy quramy bolýy tiis.
Sondai-aq, qonys aýdarýshylardyń otbasylaryna memlekettik qoldaý kórsetiledi: kóshýge materialdyq kómek, turǵyn úidi jaldaý (jalǵa alý) jáne kommýnaldyq qyzmetterge aqy tóleý boiynsha shyǵystardy óteý, qajet bolǵan jaǵdaida qysqa merzimdi kásiptik oqytýǵa jiberý, sondai-aq jańa turǵylyqty jerinde jumysqa ornalasýǵa jáne kásipkerlikti damytýǵa járdemdesý.
Eske sala keteiik, qazaqstandyqtardy kóshirý "Eńbek" nátijeli jumyspen qamtýdy jáne jappai kásipkerlikti damytýdyń memlekettik baǵdarlamasy aiasynda jumys kúshi artyq oblystardan (Almaty, Jambyl, Mańǵystaý, Túrkistan, Qyzylorda), sondai-aq Nur-sultan men Shymkentten júrgizilýde.
Al 2020 jyly memleket basshysy qonys aýdarýshylar úshin portal bazasynda arnaiy sait qurý qajet ekenin aitty. Sol arqyly turǵyndar memlekettik qoldaý sharalary týraly barlyq aqparatty ala alady.
Qazaqstanda qonys aýdarýshylardyń otbasylaryna memlekettik qoldaý kórsetiledi: kóshýge materialdyq kómek, turǵyn úidi jaldaý (jalǵa alý) jáne kommýnaldyq qyzmetterge aqy tóleý boiynsha shyǵystardy óteý, qajet bolǵan jaǵdaida qysqa merzimdi kásiptik oqytýǵa jiberý, sondai-aq jańa turǵylyqty jerinde jumysqa ornalasýǵa jáne kásipkerlikti damytýǵa járdemdesý.
Sondai-aq, Memleket basshysy tarihi otanyna oralýǵa tilek bildirgen etnikalyq qazaqtardyń turǵyn úi máselesin sheshýdi tapsyrdy.
Aita keteiik, 2018-2019 jyldary jáne osy jyldyń 9 aiynda Soltústik Qazaqstan oblysyna ońtústik óńirden 5 123 adam qonys aýdardy.
Sondai-aq, sońǵy bes jylda Qazaqstanǵa 70 933 etnikalyq qazaq kelgen.
Esterińizge sala keteiik, Memleket basshysy óńirlerdegi jumysqa ornalastyrý jaǵdaiyna monitoring júrgizýge, óndiriste halyqtyq baqylaýdy engizýge jáne qyzmetkerler arasynda tsifrlyq saýattylyqty arttyrýǵa shaqyrdy. Prezident Qasym-Jomart Toqaev Ulttyq qoǵamdyq senim keńesiniń otyrysynda ishki kóshi-qondy basqarý jónindegi mindetterdi atap ótti.
