Osy jyldyń I-jartyjyldyǵynda shyǵarmashylyq, óner jáne kóńil kóterý salalaryndaǵy qyzmet kólemi 21,4 mlrd teńgeni qurady. Bul - sońǵy 5 jyldaǵy alǵashqy quldyraý ári ótken jyldyń dál osyndai kezeńimen salystyrǵanda 16,8 paiyzǵa tómen, dep habarlaidy Finprom.kz resýrsy.
Qyrkúiekten bastap teatrlarǵa zaldaǵy oryndardyń 50 paiyzyn ǵana toltyryp, 50 adamnan asyrmai jumys isteýge ruqsat berilgen. Al kinoteatrlardyń jumysyna áli kúnge deiin tyiym salynǵan.
Qazaqstanda shyǵarmashylyq, óner jáne kóńil kóterý salasyndaǵy qyzmet kóleminiń qysqarýy myna úsh óńirde erekshe baiqalady: elorda (-43,5 paiyz), Almaty (-31,5) jáne Atyraý oblysynda (-32,8). Buǵan qosa sektordaǵy qyzmetterdiń jartysynan kóbi atalǵan úsh aimaqqa tiesili.
Qyzmet kólemi boiynsha TOP-3 óńirge Nur-Sultan (5 mlrd teńge), Almaty (4,2 mlrd teńge) jáne Qaraǵandy oblysy (2 mlrd teńge, buǵan qosa atalǵan oblysta elimizdiń óńirleri ishinde qyzmet kólemi 63,4 paiyzǵa ósim kórsetip otyr) kiredi.
Sektordaǵy qyzmet kóleminiń ósimi teatr (202,6 mln teńge nemese 1,9 paiyz ósimmen 10,8 mlrd teńgege deiin) jáne tsirkte (109,3 mln teńge nemese 22,1 paiyz ósimmen 604,9 mln teńgege deiin) tirkelgen.
Qyzmetterdiń eń kóp qysqarýy kórkem jáne ádebi shyǵarmashylyq (3 mlrd teńgege jýyqqa nemese 69,5 paiyzben 1,3 mlrd teńgege deiin), kontsert pen teatr zaldary qyzmeti (968,2 mln teńgege nemese 53,8 paiyzben 832,7 mln teńgege deiin) salalarynda baiqalady.
