Qazaqstan Respýblikasynyń Premer-Ministri Asqar Maminniń Qostanai oblysyna jumys sapary sheńberinde birqatar investitsiialyq kelisimderge, onyń ishinde Qazaqstan Respýblikasynyń Syrtqy ister ministrligi men «KamaTyresKZ» JShS arasynda qol qoiyldy, dep habarlaidy "Ult aqparat" QR SIM baspasóz qyzmetine silteme jasap.
Shina zaýytyn salý boiynsha investitsiialyq jobany iske asyrýǵa negizdemelik kelisimge, investitsiialyq kelisimshartqa qol qoiyldy. Jobanyń jalpy investitsiia kólemi 119 mlrd.teńgeni quraidy.
Investitsiialyq kelisimderdiń bul paketi Tatarstan Respýblikasy men Qazaqstan Respýblikasy arasyndaǵy yntymaqtastyqty damytýdaǵy kezekti qadam boldy.
Qol qoiylǵan qujattar zaýyt qurylysy barysyndaǵy investitsiialyq preferentsiialar boiynsha taraptardyń negizgi ýaǵdalastyqtaryn, «KamaTyresKZ» JShS investitsiialyq mindettemelerin, sondai-aq Qazaqstannyń investitsiialyq jobany iske asyrý úshin jer ýchaskesine zattai grant berý sharttaryn retteidi.
Birlesken kásiporyndy qurý Qazaqstanda qýattylyǵy jylyna 3 mln jeńil jáne jeńil júk tieitin shinalar, sondai-aq TsMK-nyń 0,5 mln júk shinalaryn shyǵaratyn jańa zaýyt salýdy kózdeidi. Óndiris 2022 jyly iske qosylady dep kútilýde, al zaýytty tolyq jobalyq qýatyna 2024 jyly shyǵarý josparlanýda.
Joba aiasynda 1 116 jumys orny ashylady. Avtomobil shinalary Reseige, Qazaqstanǵa jáne Ortalyq Aziia elderine avtomobilderdiń bastapqy jinaqtamasyna jiberiletin bolady.
«Tatneft» JAQ - quramynda munai-gaz óndirý, munai óńdeý, munai-gaz himiiasy, shina kesheni, JQS jelisi, elektr energetikasy, munai-gaz salasyna arnalǵan jabdyqtardy ázirleý jáne óndirý, servistik qurylymdar blogy qarqyndy damyp kele jatqan reseilik tiginen integratsiialanǵan iri munai kompaniialarynyń biri.
«KamaTyresKZ» JShS - Qazaqstannyń Saran qalasynda shina óndirisin uiymdastyrý maqsatynda 2020 jyldyń qazan aiynda «ÝK «Tatneft-Neftehim» JShQ jáne «Allur Tyres» JShS kompaniialarymen Qazaqstanda qurylǵan birlesken kásiporyn.
«Alliýr kompaniialar toby» AQ Qazaqstannyń eń iri avtoóndirýshisi «SaryarqaAvtoProm» JShS aktsioneri, QR aýmaǵyndaǵy JAC, Ankai, Yutong, Chevrolet, Ravon brendteriniń resmi distribiýtory, óndirýshisi jáne dileri, Hyundai, Niva Chevrolet, UAZ jáne man óndirýshisi bolyp tabylady.
