قازاقستان رەسپۋبليكاسىنىڭ پرەمەر-مينيسترٸ اسقار ماميننٸڭ قوستاناي وبلىسىنا جۇمىس ساپارى شەڭبەرٸندە بٸرقاتار ينۆەستيتسييالىق كەلٸسٸمدەرگە, ونىڭ ٸشٸندە قازاقستان رەسپۋبليكاسىنىڭ سىرتقى ٸستەر مينيسترلٸگٸ مەن «KamaTyresKZ» جشس اراسىندا قول قويىلدى, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
شينا زاۋىتىن سالۋ بويىنشا ينۆەستيتسييالىق جوبانى ٸسكە اسىرۋعا نەگٸزدەمەلٸك كەلٸسٸمگە, ينۆەستيتسييالىق كەلٸسٸمشارتقا قول قويىلدى. جوبانىڭ جالپى ينۆەستيتسييا كٶلەمٸ 119 ملرد.تەڭگەنٸ قۇرايدى.
ينۆەستيتسييالىق كەلٸسٸمدەردٸڭ بۇل پاكەتٸ تاتارستان رەسپۋبليكاسى مەن قازاقستان رەسپۋبليكاسى اراسىنداعى ىنتىماقتاستىقتى دامىتۋداعى كەزەكتٸ قادام بولدى.
قول قويىلعان قۇجاتتار زاۋىت قۇرىلىسى بارىسىنداعى ينۆەستيتسييالىق پرەفەرەنتسييالار بويىنشا تاراپتاردىڭ نەگٸزگٸ ۋاعدالاستىقتارىن, «KamaTyresKZ» جشس ينۆەستيتسييالىق مٸندەتتەمەلەرٸن, سونداي-اق قازاقستاننىڭ ينۆەستيتسييالىق جوبانى ٸسكە اسىرۋ ٷشٸن جەر ۋچاسكەسٸنە زاتتاي گرانت بەرۋ شارتتارىن رەتتەيدٸ.
بٸرلەسكەن كەسٸپورىندى قۇرۋ قازاقستاندا قۋاتتىلىعى جىلىنا 3 ملن جەڭٸل جەنە جەڭٸل جٷك تيەيتٸن شينالار, سونداي-اق تسمك-نىڭ 0,5 ملن جٷك شينالارىن شىعاراتىن جاڭا زاۋىت سالۋدى كٶزدەيدٸ. ٶندٸرٸس 2022 جىلى ٸسكە قوسىلادى دەپ كٷتٸلۋدە, ال زاۋىتتى تولىق جوبالىق قۋاتىنا 2024 جىلى شىعارۋ جوسپارلانۋدا.
جوبا اياسىندا 1 116 جۇمىس ورنى اشىلادى. اۆتوموبيل شينالارى رەسەيگە, قازاقستانعا جەنە ورتالىق ازييا ەلدەرٸنە اۆتوموبيلدەردٸڭ باستاپقى جيناقتاماسىنا جٸبەرٸلەتٸن بولادى.
«تاتنەفت» جاق - قۇرامىندا مۇناي-گاز ٶندٸرۋ, مۇناي ٶڭدەۋ, مۇناي-گاز حيميياسى, شينا كەشەنٸ, جقس جەلٸسٸ, ەلەكتر ەنەرگەتيكاسى, مۇناي-گاز سالاسىنا ارنالعان جابدىقتاردى ەزٸرلەۋ جەنە ٶندٸرۋ, سەرۆيستٸك قۇرىلىمدار بلوگى قارقىندى دامىپ كەلە جاتقان رەسەيلٸك تٸگٸنەن ينتەگراتسييالانعان ٸرٸ مۇناي كومپانييالارىنىڭ بٸرٸ.
«KamaTyresKZ» جشس - قازاقستاننىڭ ساران قالاسىندا شينا ٶندٸرٸسٸن ۇيىمداستىرۋ ماقساتىندا 2020 جىلدىڭ قازان ايىندا «ۋك «تاتنەفت-نەفتەحيم» جشق جەنە «Allur Tyres» جشس كومپانييالارىمەن قازاقستاندا قۇرىلعان بٸرلەسكەن كەسٸپورىن.
«الليۋر كومپانييالار توبى» اق قازاقستاننىڭ ەڭ ٸرٸ اۆتوٶندٸرۋشٸسٸ «سارىارقااۆتوپروم» جشس اكتسيونەرٸ, قر اۋماعىنداعى JAC, Ankai, Yutong, Chevrolet, Ravon برەندتەرٸنٸڭ رەسمي ديستريبيۋتورى, ٶندٸرۋشٸسٸ جەنە ديلەرٸ, Hyundai, Niva Chevrolet, UAZ جەنە man ٶندٸرۋشٸسٸ بولىپ تابىلادى.
