Premer-Ministrdiń ókimimen shikizattyq emes taýarlar men kórsetiletin qyzmetterdiń eksportyn ilgeriletý jóninde jol kartasy bekitildi, dep habarlaidy "Ult aqparat" Saýda jáne integratsiia ministrliginiń baspasóz qyzmetine silteme jasap.
Jol kartasy sheginde ishki jáne syrtqy kedergilerge erekshe nazar aýdarylady, olardy joiý otandyq eskporttaýshylar úshin ózimizdiń ónimdi syrtqy naryqqa ilgeriletý kezinde kezigetin teris faktorlar men saldardy qysqartýǵa múmkindik beredi.
Jol kartasynyń is-sharalary qolaily básekeles negizdelgen jaǵdailar jasaý jáne belsendi saýda saiasaty arqyly ulttyq eksportty qoldaý jolymen kiris salasyndaǵy saiasat pen jaýapty ekonomikalyq saiasat jolymen ekonomikanyń eksporttyq aiasyn odan ári damytýǵa baǵyttalǵan.
Jol kartasy shikizattyq emes sektor men Ulttyq kásipkerler palatasynyń eksporttaýshylarynyń tujyrymdamalyq-reformatorlyq usynystarynyń negizinde ázirlengen, memlekettik qoldaý sharalaryn kórsetýde jańa tásilderdi qamtidy.
Jol kartasynda 81 is-shara kózdelgen, onyń ishinde shikizattyq emes taýarlardyń eksportyn ilgeriletý jóninde 52 is-shara jáne kórsetiletin qyzmetterdi damytý boiynsha 29 is-shara qarastyrylǵan.
Jol kartasynyń maqsattaryna qol jetkizý mynadai tujyrymdamalyq baǵyttar arqyly júzege asyrylady:
- júieli – memlekettik qoldaý sharalaryn jáne nysanaly topty aiqyndaý ádisterin qait qurylymdaýǵa baǵyttalǵan sharalar;
- quqyqtyq – normativtik quqyqtyq aktilerdi ózektendirý men jetildirýdi talap etetin sharalar;
- ekonomikalyq – óndiristiń shyǵynyn tómendetýge baǵyttalǵan sharalar (ónimniń ózindik qunyn tómendetý), ónimniń básekege qabilettiligin arttyrý (onyń ishinde qarjy jáne qarjy emes qoldaý sharalary);
- institýtsionaldyq – eksport salasynda barlyq institýttardyń qyzmetin shoǵyrlandyratyn otandyq eksportty damytý máseleleri jóninde biryńǵai institýtty qalyptastyrýǵa baǵyttalǵan sharalar.
Jol kartasy «Qazaqstannyń úshinshi jańǵyrýy: jahandyq básekege qabilet» atty QR Prezidentiniń 2017 jylǵy 30 qańtardaǵy Joldaýynda berilgen tapsyrmalardy jáne QR Úkimetiniń 2017 jylǵy 26 maýsymdaǵy №511 qaýlysymen bekitilgen «Ulttyq eksporttyq strategiia» baǵdarlamasyn oryndaý sheginde ázirlengen.
