Foto: gov.kz
Qazaqstan sheteldik kapitaldy tartý baǵytynda taǵy bir mańyzdy qadam jasap otyr. Bul viza Qazaqstanda 10 jylǵa deiin turýǵa múmkindik beredi, dep habarlaidy Syrtqy ister ministrliginiń baspasóz qyzmeti.
Jańa vizalyq rejim investitsiialyq ahýaldy jaqsartýǵa jáne uzaq merzimdi seriktestik ornatýǵa jol ashady. Viza alý úshin úmitker Qazaqstan kompaniialarynyń jarǵylyq kapitalyna nemese otandyq baǵaly qaǵazdarǵa belgilengen somada qarjy salýy tiis. Ótinishti elektrondy túrde joldaýǵa bolady.
- "Investorlyq viza" nemese halyqaralyq tájiribede keń taralǵan "altyn viza" baǵdarlamalary kapital men tehnologiia tartýdyń tiimdi quraly ekenin dáleldegen. Bul júie AQSh, BAÁ, Singapýr jáne Eýropa elderinde sátti jumys istep keledi. Qazaqstan da osyndai rezidenttik modelin usynyp otyr, - delingen ministrlik habarlamasynda.
Jańa bastama sheteldik kásipkerlerge qolaily orta qurýǵa, quqyqtyq kepildikter usynýǵa jáne eldiń investitsiialyq tartymdylyǵyn arttyrýǵa baǵyttalǵan. Qujat resmi jariialanǵan kúnnen bastap 10 kún ishinde kúshine enedi.
