Sýret: pm.kz
Memleket basshysynyń tapsyrmasy boiynsha Seismologiia salasyn damytýdyń 2024-2028 jyldarǵa arnalǵan keshendi jospary bekitildi. Úkimettiń tiisti qaýlysyna QR Premer-Ministri Oljas Bektenov qol qoidy, dep habarlaidy "Ult aqparat".
Bul qujat elimizdiń seismologiialyq qaýipsizdigin nyǵaitýǵa baǵyttalǵan. Josparda mynadai sharalar qarastyrylǵan:
- - Monitoringti kúsheitý
- - Ǵimarattar men qurylystardyń seismikalyq tózimdiligin qamtamasyz etý
- - Jańa tsifrlyq tehnologiialardy engizý
- - Kadrlardy daiarlaý deńgeiin arttyrý
Jospar boiynsha 15 seismikalyq aýdandastyrý kartasy ázirlenedi. Bul elimizdiń seismikalyq qaýipti óńirlerindegi jer silkinisi oshaqtarynyń 70%-yn boljaýǵa múmkindik beredi. Sondai-aq, ǵimarattar men qurylystardy pasporttaýǵa jáne jańa qurylys normalaryn ázirleýge negiz bolady.
Pasporttaý eń osal qurylys obektilerin anyqtaýǵa kómektesedi, olarǵa seismikalyq qaýip-qaterdi tómendetý sharalary qoldanylady, mysaly: seismikalyq kúsheitý, qundy jabdyqtardy qorǵaý nemese shyǵarý, maqsatty ózgertý.
Sonymen qatar, 285 seismikalyq stansa ornatý jáne qolda bar 70 stansany jóndeý josparlanǵan. Bul sharalar Almaty oblysynda jáne basqa seismoqaýipti óńirlerde jer silkinisin sapaly boljaýǵa múmkindik beredi.
Jalpy, Keshendi jospardy iske asyrý nátijesinde seismikalyq qaýipti aimaqtardaǵy azamattardyń, qurylystar men infraqurylymnyń qorǵalý deńgeii artady. Sondai-aq, jer silkinisi bolǵan jaǵdaida memlekettik organdar men tiisti uiymdardyń áreket etý júiesi jetildiriledi.
