Sýret: ashyq derekkóz
Elimizde daktiloskopiialyq jáne genomdyq tirkeýdi júrgizýdiń jańa erejeleri halyq nazaryna usynyldy.
Ashyq NQA portalynda jariialanǵan qujat jobasynda Qazaqstan Respýblikasynyń azamattarynan, daktiloskopiialyq tirkeýden ótken sheteldikter men azamattyǵy joq adamdardan daktiloskopiialyq aqparattyń ne úshin jinalatyny aitylǵan.
- - QR azamattarynyń, sheteldikterdiń jáne azamattyǵy joq adamdardyń jeke basyn rastaý jáne (nemese) anyqtaý;
- - QR aýmaǵynda sheteldikter men azamattyǵy joq adamdardy esepke alý jáne baqylaý;
- - jeke adamnyń, qoǵamnyń jáne memlekettiń qaýipsizdigin qamtamasyz etý;
- - daktiloskopiialyq aqparat boiynsha jeke basyn rastaý rásimi arqyly Qazaqstan Respýblikasynyń memlekettik shekarasynan ótetin adamdardy esepke alý jáne baqylaý.
"Daktiloskopiialyq tirkeýdiń maqsaty – daktiloskopiialyq aqparat negizinde adamnyń jeke basyn anyqtaý jáne rastaý. Jeke basyn anyqtaý daktiloskopiialyq aqparattyń derekqory boiynsha sáikestendirýdi júrgizý kezinde, jeke basyn rastaý – naqty adamnyń daktiloskopiialyq aqparaty boiynsha verifikatsiialaý jolymen júzege asyrylady", - delingen qujat jobasynda.
Daktiloskopiialyq tirkeýdi ishki ister organdary, syrtqy saiasi qyzmet salasyndaǵy ýákiletti memlekettik organ, sheteldegi diplomatiialyq jáne olarǵa teńestirilgen ókildikter, sondai-aq QR konsýldyq mekemeleri, kólik salasyndaǵy ýákiletti memlekettik organ jáne Ulttyq qaýipsizdik organdary júrgizedi.
"Daktiloskopiialyq aqparatty jinaý daktiloskopiialaý jáne tiisti aqparattyq júiege derbes derekterdi engizý arqyly adamnyń eki alaqany nemese eki qolynyń on saýsaǵynyń papilliarlyq úlgileriniń qurylymdyq erekshelikteri týraly biometriialyq derekterdi alýdy qamtidy", - delingen erejede.
Qujat jobasy 30 shildege deiin kópshiliktiń talqysyna usynylyp otyr.
