Biyl respýblikalyq jáne jergilikti mańyzy bar 9,5 myń shaqyrym avtojol jóndeldi. Bul týraly QR Indýstriia jáne infraqurylymdyq damý ministri Beibit Atamqulov aityp berdi, dep habarlaidy QazAqparat.
Ministrdiń sózinshe, jyl sońyna deiin 2,6 myń shaqyrym jańa avtojolda qozǵalys ashylady. Myń jarym shaqyrym jolda kúrdeli jáne ortasha jóndeý júrgiziledi.
«Búginde 1 815 nysan jol boiyndaǵy serviste jumys isteidi, onyń 894-i nemese 49% Ulttyq standart talaptaryna sáikes keledi. Ministrlik oblys ákimdikterimen birlesip, yntymaqtastyq týraly kelisim aiasynda Ulttyq standartqa sáikes keletin jol boiyndaǵy servis nysandaryn kóbeitý boiynsha jumys isteidi», - dedi ol Ortalyq kommýnikatsiialar qyzmetinde ótken esep berý brifinginde.
Spiker «Qazavtojol» kompaniiasynyń sanitarlyq-gigienalyq toraptary bar 23 janarmai quiý stantsiiasyn salatynyn, odan bólek, 70-ke jýyq sanitarlyq-gigienalyq torap ornatýdy josparlap otyrǵanyn jetkizdi. Osylaisha, jol boiyndaǵy qyzmet kórsetý nysandarynyń 58% Ulttyq standart talaptaryna sáikes keletin bolady.
«2020-2025 jyldarǵa arnalǵan «Nurly jol» memlekettik baǵdarlamasynyń mańyzdy mindeti – jergilikti jol jelisiniń sapasyn arttyrý men turǵyndardy úige deiingi jolmen qamtamasyz etý. Jergilikti jeliniń jalpy uzyndyǵy 70,9 myń km quraidy. Jergilikti jelini damytýdy qarjylandyrýda jyl saiynǵy nysanaly transfertterdi bólý jolymen ministrlik pen jergilikti atqarýshy organdar arasyndaǵy tepe-teńdik tásili qoldanylady. Biyl 4 myń shaqyrym jol jóndeledi, oǵan 30 myń adam tartylady jáne jyl sońyna deiin jergilikti jeli joldarynyń 75% jaqsy jáne qanaǵattanarlyq jaǵdaiǵa keltiriledi», - dedi B. Atamqulov.
Onyń aitýynsha, 2025 jylǵa qarai jergilikti jeliniń 27 myń shaqyrym avtojoly jóndeledi. Bul oblystyq jáne aýdandyq mańyzy bar joldardyń 95% jaqsy jáne qanaǵattanarlyq kúige keltirýge múmkindik beredi.
