QR Densaýlyq saqtaý vitse-ministri – Bas memlekettik sanitar dáriger Erlan Qiiasov vaktsinalardyń baǵasy týraly suraqtarǵa jaýap berdi, dep habarlaidy "Ult aqparat".
Dárigerge «Reseiden jetkizilgen jáne Qaraǵandydan shyǵarylatyn vaktsinalardyń ózindik quny qansha?» degen suraq qoiyldy.
«Is júzinde ózindik baǵalary shamalas bolady. Biraq, vaktsinany Qaraǵandyda shyǵaratyn bolsaq, árine onyń artyqshylyqtary bar. Birinshiden, óndiriske ózimiz tikelei qatysamyz, búkil óndiris tsiklin qadaǵalai alamyz. Bul bizge osy tájiribeni odan ári damytýǵa múmkindik beredi. Meniń oiymsha, logistikaǵa bailanysty qandai da bir shyǵyndar bolýy múmkin», - dedi Erlan Qiiasov №6 qalalyq emhanada tilshilerge bergen suhbatynda.
Ol koronavirýsqa qarsy vaktsinatsiianyń halyqqa tegin ekenin eske saldy jáne vaktsinanyń eki komponentti dozasynyń baǵasyn (ózindik qunyn) aitty.
«Eki komponentti doza búgingi kúni 26 dollar (11021,4 teńge) turady. Bul – reseilik vaktsina. Jalpy alǵanda, vaktsinanyń baǵasy qai jerde shyǵarylatynyna qaramastan, Reseide nemese Qazaqstanda osyndai bolady», - deidi Qiiasov.
Aita keteiik, búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
Elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
