© Sputnik / Abzal Kaliev
Ádilet ministri Qanat Mýsin tirkeýge 4 partiia qujat tapsyrǵanyn aitty, dep habarlaidySputnik Qazaqstan.
"Jańylmasam, olar - "El Tiregi", "Halyq derbestigi", "Namys" jáne "Báiterek". Máselen, "Halyq derbestigi" partiiasy ekinshi kezeńge ótti. Olar sezin de uiymdastyrdy. Zań boiynsha quryltai sezin ótkizgennen keiin 20 myń músheniń tizimin berýi kerek. Búginde olardy tirkeý merzimi toqtatyldy, partiia múshelerin tekserý júrip jatyr", - dedi Mýsin ortalyq kommýnikatsiialar qyzmetinde ótken brifingte.
Al qalǵan úsh partiia birinshi kezeńnen asa almai otyr. Olar alǵashqy tekseristen óte almady. Sebebi partiiaǵa kirgen keibir adamdardyń jeke sáikestendirý nómirleri qate bolyp shyqty. Nómirlerdiń múldem sáikes kelmeý jaǵdailary da bar.
"Ókinishke qarai, qaitys bolǵan adamdar da anyqtaldy. Basqa partiianyń músheleri bar. Al zań boiynsha Qazaqstan azamaty bir ǵana saiasi partiia múshesi bola alady. Demek, basqa partiiany qurý sharalaryna qatysýǵa quqy joq. Bastamashy top ondai kemshilikterdi joiǵannan keiin taǵy qujat tapsyryp, kelesi kezeńge óte alady", - dep atap kórsetti Mýsin.
