Foto: depositphotos.com
Premer-ministrdiń orynbasary Serik Jumanǵarin Qazaqstanda Reseidiń qatysýymen úsh JEO qurylysynyń jobasy josparlanǵanyn aitty, - dep habarlaidy Tengrinews.kz saity.
Bul týraly Premer-ministrdiń orynbasary Qazaqstan men Reseidiń HIH óńiraralyq yntymaqtastyq forýmynyń ashylýynda málimdedi.
"Reseilik taraptyń Qazaqstandaǵy úsh JEO jobasyn júzege asyrýǵa qatysýy týraly búgin tiisti qujatqa qol qoiylady. Elder arasyndaǵy áýe qatynasyn keńeitemiz. Atap aitqanda, Novosibirsk jáne Cheliabi qalalarynda "Qazaq air" reisteriniń sanyn arttyrýdy úilestirip jatyrmyz", - dedi Jumanǵarin óz sózinde.
Vitse-premerdiń aitýynsha, búgingi forýmnyń taqyryby kezdeisoq tańdalmaǵan.
"Bul - búgingi kúnniń syn-qaterlerine bailanysty, eń aldymen, elderimizdiń azyq-túlik qaýipsizdigin qamtamasyz etýge jasaǵan sharalary. Resei men Qazaqstannyń agroónerkásiptik keshende birlesip jumys isteýde úlken tájiribesi bar. Jetkizý tizbegi buzylǵan jáne azyq-túlik qaýipsizdigine qaýip tónip turǵan jaǵdaida aýyl sharýashylyǵyndaǵy kooperatsiiany damytý mańyzdy. Jaqsy ózara is-qimyldyń mysaldary qazirdiń ózinde bar: reseilik "Ekokýltýra" kompaniiasy Túrkistan oblysynda aýdany 500 gektar jylyjai keshenin salyp jatyr", - dedi ol.
