Naýryz aiynan beri Qazaqstanda PTR ádisimen 662 myń test júrgizildi. Bul týraly QR Bas memlekettik sanitar dáriger Aijan Esmaǵambetova aityp berdi, – dep habarlaidy "Ult aqparat".
«Munda bir adamǵa birneshe test júrgiziledi. Máselen, búginge deiin 662 myń test júrgizilip, 8 969 naýqas anyqtaldy. Testileýden ótýi múmkin adamdar úsh topqa bólinedi. Eń aldymen naýqaspen bailanysta bolǵandar jáne koronavirýs infektsiiasyna kúdigi barlar testke jiberiledi. Iaǵni, naýqastarǵa ǵana emes, virýsty juqtyrý kúdigi bar adamdardyń ózine birneshe test jumsalady. Sondyqtan, test pen naýqastar sany bir-birine sáikes kelmeidi», - dedi bas sanitarlyq dáriger QR Densaýlyq saqtaý ministrliginiń Facebook-tegi baspasóz máslihatynda.
Spikerdiń aitýynsha, óńirlerde test jasaityn zerthanalar sany artady.
«Naýryz aiynda bir táýlikte myńǵa jeter-jetpes test júrgizetin edik. Eki jarym aidyń ishinde zerthanalar sanyn kóbeittik, jeke sektordy iske tarttyq. Osylaisha, qazir bir táýlikte eń joǵarǵy kórsetkish 23 myńǵa jetti. Naýryz aiynda elimizde 19 zerthana bolsa, qazir 54 zerthanada test alynady. Odan bólek, óńirlerde de qosymsha zerthanalar ashýdy josparlap otyrmyz», - dedi Aijan Esmaǵambetova.
