TMD-ǵa múshe memleketterdiń temirjol kóligi, 66 Keńesiniń sheshimi boiynsha 2017 jyldyń 10 jeltoqsanynda Astana ýaqytymen 00 saǵat 00 minýtta poiyzdardyń 2017-2018 jyldarǵa arnalǵan jańa kestesi engiziledi. Bul týraly «Jolaýshylar tasymaly» AQ baspasóz qyzmeti habarlady.
Jolaýshylardyń suranysyn qanaǵattandyrý maqsatynda jańa jyldan bastap kún saiyn júretin jańa №154/153 «Astana-Semei» júrdek poiyzy jolǵa shyǵatyn bolady. 2018 jyldyń 1 qańtarynan №376/375 «Astana-Leninogorsk» poiyzynyń standartty vagondary qazirgi zamanǵy jaily «Tulpar-Talgo» vagondaryna aýystyrylady. Jolda júrý ýaqyty 28 saǵat, iaǵni qazirgi kestemen salystyrǵanda 3 saǵatqa tezirek baratyn bolady.
Sondai-aq, 2018 jyldyń 1 qańtarynan tómendegi poiyzdardyń rettik sany bylaisha ózgeredi:
- «Almaty-Atyraý» №35/36 (buryn №77/78);
- «Almaty-Zashita» №45/46 (buryn №69/70);
- «Astana-Aqtóbe» №97/98 (buryn №87/88);
- «Almaty-Petropavlovsk» №703/704 (buryn №705/706);
- «Almaty-Shymkent» №709/710 (buryn №707/708).
Sondai-aq «Qazaqstandyq tatar jáne bashqurttar kongresi» respýblikalyq qoǵamdyq birlestiginiń ótinishi boiynsha №303/304 «Almaty-Ekaterinbýrg» poiyzynyń marshrýty Qazan qalasyna deiin uzartyldy. Endi 2017 jyldyń 12 jeltoqsanynan bastap ol halyqaralyq №303 /304 «Almaty-Astana-Qazan» poiyzy retinde qatynaityn bolady.
«Biz «Qazaqstan temir joly» ulttyq kompaniiasynyń basshylyǵyna zor rizashylyǵymyzdy bildiremiz. Eki el astanalary arasynda tikelei qatynaityn poiyzdyń jolǵa shyǵýy Qazaqstannyń Táýelsizdik kúni merekesi men Astananyń 20 jyldyǵy qarsańyndaǵy eleýli oqiǵa»,- deidi respýblikalyq qoǵamdyq birlestiktiń tóraǵasy Taýfiq Kárimov.
