تمد-عا مٷشە مەملەكەتتەردٸڭ تەمٸرجول كٶلٸگٸ, 66 كەڭەسٸنٸڭ شەشٸمٸ بويىنشا 2017 جىلدىڭ 10 جەلتوقسانىندا استانا ۋاقىتىمەن 00 ساعات 00 مينۋتتا پويىزداردىڭ 2017-2018 جىلدارعا ارنالعان جاڭا كەستەسٸ ەنگٸزٸلەدٸ. بۇل تۋرالى «جولاۋشىلار تاسىمالى» اق باسپاسٶز قىزمەتٸ حابارلادى.
جولاۋشىلاردىڭ سۇرانىسىن قاناعاتتاندىرۋ ماقساتىندا جاڭا جىلدان باستاپ كٷن سايىن جٷرەتٸن جاڭا №154/153 «استانا-سەمەي» جٷردەك پويىزى جولعا شىعاتىن بولادى. 2018 جىلدىڭ 1 قاڭتارىنان №376/375 «استانا-لەنينوگورسك» پويىزىنىڭ ستاندارتتى ۆاگوندارى قازٸرگٸ زامانعى جايلى «تۇلپار-تالگو» ۆاگوندارىنا اۋىستىرىلادى. جولدا جٷرۋ ۋاقىتى 28 ساعات, ياعني قازٸرگٸ كەستەمەن سالىستىرعاندا 3 ساعاتقا تەزٸرەك باراتىن بولادى.
سونداي-اق, 2018 جىلدىڭ 1 قاڭتارىنان تٶمەندەگٸ پويىزداردىڭ رەتتٸك سانى بىلايشا ٶزگەرەدٸ:
- «الماتى-اتىراۋ» №35/36 (بۇرىن №77/78);
- «الماتى-زاششيتا» №45/46 (بۇرىن №69/70);
- «استانا-اقتٶبە» №97/98 (بۇرىن №87/88);
- «الماتى-پەتروپاۆلوۆسك» №703/704 (بۇرىن №705/706);
- «الماتى-شىمكەنت» №709/710 (بۇرىن №707/708).
سونداي-اق «قازاقستاندىق تاتار جەنە باشقۇرتتار كونگرەسٸ» رەسپۋبليكالىق قوعامدىق بٸرلەستٸگٸنٸڭ ٶتٸنٸشٸ بويىنشا №303/304 «الماتى-ەكاتەرينبۋرگ» پويىزىنىڭ مارشرۋتى قازان قالاسىنا دەيٸن ۇزارتىلدى. ەندٸ 2017 جىلدىڭ 12 جەلتوقسانىنان باستاپ ول حالىقارالىق №303 /304 «الماتى-استانا-قازان» پويىزى رەتٸندە قاتىنايتىن بولادى.
«بٸز «قازاقستان تەمٸر جولى» ۇلتتىق كومپانيياسىنىڭ باسشىلىعىنا زور ريزاشىلىعىمىزدى بٸلدٸرەمٸز. ەكٸ ەل استانالارى اراسىندا تٸكەلەي قاتىنايتىن پويىزدىڭ جولعا شىعۋى قازاقستاننىڭ تەۋەلسٸزدٸك كٷنٸ مەرەكەسٸ مەن استانانىڭ 20 جىلدىعى قارساڭىنداعى ەلەۋلٸ وقيعا»,- دەيدٸ رەسپۋبليكالىق قوعامدىق بٸرلەستٸكتٸڭ تٶراعاسى تاۋفيق كەرٸموۆ.
