- Sheteldegi ozyq tájiribelerdi engizý nátijesinde Qazaqstan politseileri alataiaqty qoldanbaidy. Bul týraly búgin Ortalyq kommýnikatsiialar qyzmetindegi baspasóz máslihatynda QR IIM Ákimshilik politsiia komiteti basqarma basshysynyń orynbasary Erkin Músilimov aitty, dep habarlaidy "Ult aqparat".
«Ishki ister ministrligi organdary jol júrisin qadaǵalaý kezinde avtopatrýldeý ádisine tolyqtai kóshti. Osy oraida jaiaý júrgen politseiler endi kólikterdi toqtatpaidy. Sonymen qatar 2017 jyldyń 1 qańtarynan bastap bizdiń ishki ister organdarynyń qyzmetkerleri kólikterdi toqtatý úshin arnaiy taiaqsha qoldanbaityn bolady», - dedi E. Músilimov.
Onyń sózine qaraǵanda, bul sharalary qabyldaýǵa barlyq jerlerde foto jáne beinetirkeýdiń engizilýi yqpal etip otyr. Kólikterdi toqtatý patrýldik mashinalarda ornalasqan arnaiy dybys jáne jaryq belgileri arqyly iske asyrylady.
Sonymen qatar, Ákimshilik politsiia ókili 2016 jyldan bastap qyzmetkerler patrýldik avtokólikterge otyrǵyzylǵanyn jetkizdi. Atap aitqanda, búginde Qazaqstan boiynsha 2971 osyndai kólikter bar. Bul avtokólikterdi elimiz aýmaǵynda jol qaýipsizdigin qamtamasyz etýge jetkilikti kórinedi.
«Erekshe jaǵdaida, iaǵni JKO, tótenshe jaǵdai, keptelis kezinde kólik quraldary jol erejesine sai jáne bir mezgilde ysqyryq arqyly toqtatatyn bolady. Osyndai talap shetelderdegi ozyq tájiribelerdi eskere otyryp engizildi», - dedi ol.
