Foto: pexels.com
Sybailas jemqorlyqqa qarsy is-qimyl agenttigi quqyq qorǵaý organdarynda parasattylyq boiynsha tekserýdi (Integrity check) engizý maqsatynda «Kásibi parasattylyqqa testileý týraly» Zań jobasyn ázirledi, dep habarlaidy Ult.kz.
Osy institýttyń tetigin ázirleý Qazaqstan Respýblikasynyń 2022-2026 jyldarǵa arnalǵan sybailas jemqorlyqqa qarsy saiasatynyń tujyrymdamasynda kórsetilgen.
Búgingi tańda bul qural Avstraliiada, Vengriiada, Moldovada, Rýmyniiada, AQSh-ta belsendi qoldanylady jáne jemqorlyq minez-qulqyn anyqtaýǵa baǵyttalǵan modeldengen jaǵdai bolyp tabylady.
Zań jobasynda testilenýshi tulǵalar men testileýshilerdiń quqyqtary men mindetteri, testileýdi taǵaiyndaý úshin negizder, ony ótkizý rásimderi, jaýapkershilik sharalary jáne basqa da máseleler reglamenttelgen.
Sondai-aq, testileýshiler tarapynan yqtimal teris paidalanýdan qyzmetkerlerdiń quqyqtaryn qorǵaý kepildikteri men aldyn alý tetikteri bekitildi.
Quqyq qorǵaý organdarynda (SJQIA, QMA, IIM jáne TJM) parasattylyqty tekserýdi pilottyq synaqtan ótkizý nátijeleri osy quraldyń joǵary aldyn alý áleýetin kórsetti.
Kásibi parasattylyqqa testileýdi engizý jemqorlyqqa qarsy mádenietti qalyptastyrýǵa jáne quqyq qorǵaý organdarynda sybailas jemqorlyqty azaitýǵa múmkindik beredi, bul óz kezeginde azamattardyń senimin arttyrýǵa yqpal etedi.
