1 qarasha kúni Qazaqstanda 41 adamnyń koronavirýs pnevmoniiasyna shaldyqqany anyqtaldy. Bir kúnde 32 adam jazylǵan. Táýlik ishinde aýrýdyń osy túri boiynsha adam ólimi tirkelmegen.
Qazaqstan biligi PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin 1 tamyzdan beri júrgizip keledi. Úkimet dereginshe, tamyzdyń basynan 1 qarashaǵa deiin 38 003 adamǵa koronavirýs pnevmoniiasy diagnozy qoiylǵan: 28 819 adam jazylǵan, 401-i qaitys bolǵan.
Ótken táýlikte koronavirýs juqqany PTR-testimen rastalǵan naýqastar arasynda 5 adam ólimi tirkelgen. 13 naýryz ben 1 qarasha aralyǵynda 112 860 adamnyń koronavirýs juqtyrǵany PTR testimen rastalǵan, 1857-i qaitys bolǵan.
Densaýlyq saqtaý ministrliginiń málimetinshe, qazir koronavirýs pnevmoniiasynan 4 489 adam emdelip jatyr. Onyń arasynda 333 bala bar.
2 420-si statsionarda, 2069-y ambýlatorlyq jaǵdaida em qabyldap jatyr. 150 naýqastyń ahýaly nashar, 15 adamnyń jaǵdaiy - óte aýyr, 22 adam ókpeni jasandy jeldetý apparatyna qosylǵan.
