Foto: LETA
Qazaqstanda pedofilderdi himiialyq kastratsiialaý túrindegi májbúrlep emdeý tártibin ózgertý usynyldy. "Keibir zańnamalyq aktilerge, qylmystyq-protsestik jáne qylmystyq-atqarý kodeksterin ońtailandyrý máseleleri boiynsha ózgerister men tolyqtyrýlar engizý týraly" zań jobasynda qarastyrylǵan, - dep habarlaidy Tengrinews.kz saity.
Qylmystyq atqarý zańnamasyn jetildirý maqsatynda sottalyp, túrmede otyrǵan adam qoǵamǵa qaýip tóndirmeitin bolǵandyqtan, himiialyq kastratsiiany bostandyqqa shyǵar aldynda birden bastaý kerektigi usynyldy.
Ishki ister ministrligi Qylmystyq-atqarý júiesi komiteti tóraǵasynyń orynbasary Meiram Aiýbaevtyń aitýynsha, kastratsiiany qoldaný ádisi ózgergen joq.
"Himiialyq kastratsiia - erler gormondarynyń nemese androgenderdiń deńgeiin tómendetedi. Sottalǵan adamnyń merzimi aiaqtalýǵa alty ai qalǵanda mekeme ákimshiligi sotqa sot saraptamasyn taǵaiyndaý týraly ótinish hat beredi. Onyń balalarǵa jynystyq qumarlyǵy bar-joǵyn anyqtaý úshin psihiatriialyq saraptama taǵaiyndalady. Eger saraptama muny anyqtasa, onda onyń turǵylyqty jerinde himiialyq kastratsiia jasalynady", - dedi Aiýbaev Ortalyq kommýnikatsiialar qyzmetinde ótken dóńgelek ústelde.
