Qazaqstanda pandemiia bastalǵaly beri kásiporyn qyzmetkerleriniń sany orta eseppen 11%-ǵa qysqardy. Senat janyndaǵy Jas sarapshylar klýbynyń otyrysynda «Atameken» ulttyq kásipkerler palatasy tóraǵasynyń orynbasary Oljas Ordabaev shaǵyn jáne orta biznes saýalnamasynyń osyndai nátijelerimen bólisti, dep habarlaidy QazAqparat.
Prezidenttiń tapsyrmasy boiynsha ulttyq kásipkerler palatasy 27 qańtar men 17 aqpany aralyǵynda 50,5 myńǵa jýyq kásipker qatysqan saýalnama júrgizgen bolatyn.
«Turý jáne tamaqtaný jónindegi qyzmetter salalaryndaǵy qyzmetkerlerdiń eń kóbi paiyzdyq ara qatynasy - 19%, oiyn-saýyq jáne demalys salalarynda 20%, sondai-aq qyzmet kórsetýde 19%-ǵa qysqardy. Respondentterdiń 56%-y pandemiiaǵa bailanysty tabysy aitarlyqtai azaiǵanyn atap ótti. Sonymen qatar, týrizm salasy eń kóp zardap shekken - 77%, saýda - 63%, oiyn-saýyq jáne demalys - 62% tabysy kemigen», - dep atap ótti sarapshy.
Klýbtyń otyrysy Senat tóraǵasy Máýlen Áshimbaevtyń tóraǵalyq etýimen ótti jáne Qazaqstan ekonomikasynyń pandemiiadan keiingi kezeńdegi úrdisterine, mindetteri men keleshegine arnaldy.
«Pandemiia álemdik ekonomika men qoǵamdyq ómirdi uiymdastyrýdaǵy belgili bir protsesterdi jedeldetti. Osylaisha, qashyqtyqtan jumys isteý, qashyqtyqtan oqytý, biznesti tsifrlandyrý, internet arqyly qyzmetter usyný jáne taýarlar satyp alý, resýrstar men tutynýǵa uqypty qaraý bizdiń ómirimizdiń ajyramas bóligine ainalady. Pandemiiadan keiingi kezeńdegi damý strategiiasy osy jáne basqa da úrdisterdi eskerýi tiis. Jalpy, bilim berý júiesi pandemiiadan keiingi kezeńdegi damý strategiiasynyń mańyzdy bóligi retinde qarastyrylýy kerek, óitkeni ol ónerkásip pen óndiristik sektordy bilikti kadrlarmen qamtamasyz etedi», - dedi Máýlen Áshimbaev.
Máýlen Áshimbaev talqylaýdy qorytyndylai kelip, sarapshylar aitqan usynys-usynymdar Parlament jumysynda pailanylatyny jáne Ulttyq ekonomika ministrligi nazarǵa alatynyna senim bildirdi.
