Qazaqstanda ózin-ózi jumyspen qamtyǵandardyń eńbek quqyqtaryn qorǵaýǵa baǵyttalǵan «Platformalyq jumyspen qamtý» júiesi engiziledi, dep habarlaidy QazAqparat.
«Qyzmet kórsetý salasynda 900 myńǵa jýyq adam jumyspen qamtylǵan. Olardyń bir bóligi zańnan tys, iaǵni birrettik qyzmet kórsetedi jáne kóp bóligi tapsyrys berýshiler tarapynan qorǵalmaǵan. Osyǵan bailanysty biz «Platformalyq jumyspen qamtý» baǵdarlamalyq ónimin jasadyq. Ol qazir testileýden ótip jatyr (...) tazalaý, úidi kúzetý, azyq-túlik jetkizý qyzmetterin kórsetetin turǵyndar osy qosymshada tirkelip, tapsyrys qabyldai alady. Oǵan qosa, onda taraptardyń quqyqtary men mindetteri, oryndaýshynyń eńbek quqyqtaryn qorǵaý qarastyrylǵan», - dedi QR Eńbek jáne halyqty áleýmettik qorǵaý vitse-ministri Erjan Birjanov Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, bul kóleńkede qalǵan adamdardyń bir bóligin kásipkerlik ortaǵa shyǵarýǵa jáne neǵurlym joǵary deńgeiine odan ári kóterýge múmkindik beredi. Qosymsha arqyly olar ońai tirkelip, salyq tólei alady.
Jalpy Eńbek ministrliginiń málimetinshe, 2025 jylǵa deiin eki millionnan astam, onyń ishinde 600 myńnan astam turaqty jáne 1,4 millionnan astam ýaqytsha jumys oryndary qurylady. Barlyq jańa jumys oryndary «Jumys oryndaryn qurýdyń integratsiialanǵan kartasy» aqparattyq júiesinde kórinis tabady.
Elimizde eki aidyń qorytyndysy boiynsha 65 myńǵa jýyq jumys orny ashylǵan, onyń ishinde 16 myńnan astamy – turaqty jumys oryndary.
